Глиарид®, Gliaride® Шахмал

Хэрэглэх заалт

• Зөвхөн хоолны дэглэм болон дасгал хөдөлгөөнөөр цусан дах сахарын хэмжээг хянаж чадахгүй байгаа инсулин үл хамааралт чихрийн шижин өвчтөй (ИҮХЧШ эсвэл ЧШ II хэлбэр) хүмүүст хоол болон дасгал хөдөлгөөнтөй хавсруулан хэрэглэнэ.
• Хоолны дэглэм барьж байгаа болон дасгал хөдөлгөөн хийдэг өвчтөнд эсвэл дангаараа эмчилгээний нөлөө үзүүлж чадахгүй байгаа тохиолдолд глимепиридийг метформины хамт хэрэглэж болно.
• Глимепиридийг хоолны дэглэм болон дасгал хөдөлгөөнөөр сахараа буулгаж чадахгүй байгаа өвчтөнд инсулины хамт хэрэглэж болно. Гэвч инсулины хамт хэрэглэх нь цусан дахь сахарын хэмжээ хэт буурах эрсдэлийг нэмэгдүүлдэг.

Хориглох заалт

• Инсулин хамааралт чихрийн шижин өвчин (ИХЧШ эсвэл ЧШ I хэлбэр)
• Чихрийн шижингийн кетоацидоз болон чихрийн шижингийн ком, түүний урьтал үед
• Глимепирид болон бусад сульфонилурия, сульфониламид-д хэт мэдрэг
• Элэгний болон бөөрний үйл ажиллагааны дутмагшилтай тохиолдолд: Инсулиныг зөвлөнө.
• Жирэмсэн болон хөхүүл эхэд: инсулин зөвлөнө. Хүүхдэд учрах эрсэдэлээс сэргийлэн глимепиридийг зогсоож инсулинаар солино. Хүүхэдтэй болохыг зөвлөж буй тохиолдолд эмчээс зөвлөгөө авна. Глимепирид хэрэглэж буй хөхүүл эхийн хүүхдэд аюултай. Хөхүүл эхэд глимепиридийгхэрэглэж болохгүй. Эмчилгээг зогсоож инсулинээр солих эсвэл хүүхдээ хөхүүлэхгүй байх хэрэгтэй.

Хэрэглэх тун

• Глимепиридийг эмчийн хяналтан дор цусан дах сахарын хэмжээг шаардагдах хэмжээ хүртэл буулгах болон бодисын солилцоог хэвийн түвшинд хүргэх хамгийн бага тунгаар хэрэглэх шаардлагатай.
• Уулгүй мартсан тохиолдолд тунг нөхөж өндөр тунгаар хэрэглэж болохгүй. Эмээ уухаа мартсан, хооллоогүй болон зөвлөсөн тунгаар хэрэглээгүй тохиолдолд эмч болон өвчтөн дахин ярилцаж шийдвэрийг гаргана.
• Эмчилгээний эхлэх болон барих тун нь өвчтөний цус болон шээсэн дэх глюкозын хэмжээнээс хамаарна. Цус болон шээсэн дэх сахарын хэмжээг хянах нь цаашид гарч болох эмчилгээний алдагдалаас сэргийнлнэ:
• Эхлэх тун болон тунгийн титр: Өдөрт 1мг-аар нэг удаа хэрэглэнэ. Шаардлагатай тохиолдолд цусан дах сахарын хэмжээг хянахын сацуу дараах байдлаар тунг 1-с 2 долоо хоног тутамд аажим ихэсгэнэ: 1 мг- 2 мг- 3 мг -4 мг -6 мг гэх зэрэг ба онцгой тохиолдолд 8 мг-аар хэрэглэнэ.
• Чихрийн шижинтэй өвчтөний барих тун: өдөрт 1-с 4 мг – аар нэг удаа байх бөгөөд зарим өвчтөнд >6 мг –аар зөвлөнө.
• Тунг хуваарилах: Эмийн тун болон хэрэглэх хуваарийг эмч өвчтөний амьдралын хэв маягт тааруулан тохируулна. Ерөнхийдөө хоногт нэг тунг хэрэглэх нь хангалттай байдаг. Глимепиридыг өглөөний цай эсвэл өдрийн хоолноос өмнө хэрэглэх шаардлагатай. Эмийг хэрэглэсэний дараагаар заавал хооллоно.
• Эмчилгээний явцад эмчилгээний тунг өөрчлөх нь: Өвчтөний биеийн жин, амьдралын хэв маягийн өөрчлөлт болон бусад шалтгаанаас үүдэлтэй гипогликеми болон гирегликеми-с сэргийлэх зорилгоор тунг өөрчилж болно. Цусан дахь сахарын хэмжээ тогтворжих тусам инсулины мэдрэг чанар сайжирч глимепиридын шаардагдах тун багасаж болно.
• Эмчилгээний үргэлжлэх хугацаа: Ерөнхийдөө урт хугацааны эмчилгээ.

Бусад

Хадгалах нөхцөл:25^°С –с бага хэмд хадгална.

Савлалт ба бүртгэл:

Глиарид^® 2 мг шахмал: хайрцагт 5 хавтгай @ 10 шахмал

Глиарид^® 3 мг шахмал: хайрцагт 5 хавтгай @ 10 шахмал

 Зөвхөн жороор олгоно