ОДЕСТОН (ODESTON)

Фармакологийн үйлдэл

Гимекромон нь эмийн ургамалд агуулагддаг байгалийн гаралтай булчингийн агшилт сулруулагч УМБЕЛЛИФЕРОНЫ нийлэг аргаар гаргаж авсан аналог:

Гимекромон нь кумарины фенолын уламжлал бөгөөд цус бүлэгнүүлэх нөлөөгүй, булчин сулруулах, цөс туух өндөр идэвхтэй бэлдмэл юм. Цөсний цоргын даралтыг багасгаж, Оддигийн хуниас нээгдэх хугацааг нэмэгдүүлж, цөс урсах замыг нээнэ.

Цөсний үүсэл ба ялгаралыг нэмэгдүүлэн нарийн гэдэс рүү орох цөсний урсгалын хурдыг өсгөнө. Цөс зогсонгишилоос шалтгаалсан элэгний эсийн гэмтлийн нөхөн төлжилтөд нөлөөлнө. Ууж хэрэглэсний дараа Одестоны 97% нь фармакологийн үйлдлээ элэг цөсөнд үзүүлж зөвхөн 3% нь цусны урсгалд ордог тул элэг ба цөсний өвчинд үзүүлэх нөлөө өндөр. Нарийн гэдэсний салст бүрхүүлийн хүлээн авуурын талбайг сэргээж цөсний ялгаралыг идэвхжүүлж, ялгарч буй цөсний хэмжээг нэмэгдүүлнэ.

Гимекромон нь цөс ялгаруулах зам болон Оддигийн сфинктер (цөсний сувгийг хааж нээх үүрэг бүхий цагираг булчин)-ийг сонгомолоор сулруулна. Цөсний зогсонгошлыг бууруулж, холестериныг талст болон тунадасжихаас сэргийлнэ. Одестоныг хэрэглэснээр нойр булчирхайн фермент ялгаруулах үндсэн үзүүлэлтүүд сайжирдаг байна.

Цөс туух бусад эмээс илүү давуу тал нь хоол боловсруулах ферментийн ялгаралт болон нарийн гэдсэн дэх шимэгдэлтэд нөлөөлдөггүй. Цөс туух замын даралтыг ихэсгэхгүй, цөсний хүүдийн гүрвэлзэх идэвх нэмэгддэггүй.

Хэрэглэх заалт

• Дискинези-Цөс ялгаруулах замын хөдөлгөөний гажуудал
• Архаг холецистит-Цөсний хүүдийн архаг үрэвсэл
• Холангит –цөсний сувгийн үрэвсэл
• Холелитиаз –хүндрэлгүй цөс чулуужих өвчин
• Постхолецистэктомийн хам шинжийн үед буюу цөсний хүүдий болон цөс ялгаруулах замын эрхтэний мэс заслын дараах үед
• Цөсний ялгаралт буурсанаас болж баас хатах, бөөлжис хүрэх, хоолны дуршил буурах
• Нянгийн халдварын дараа элэгний эсийн дутмагшилын үед

Архаг панкреатитын үед хэрэглэхэд өвдчин намдаах, суулгалт зогсох, гэдэс дүүрэхийг багасгах сайн талтай. Нойр булчирхайн фермент ялгаруулалт сайжирдаг.

Хэрэглэх тун

Насанд хүрэгсэд хоол идэхээс 30 минутын өмнө 200-400 мг-аар өдөрт 3 удаа, хүүхэд 200 мг-аар өдөрт 2-3 удаа ууна. Хоногийн дээд тун 1200 мг. Эмчилгээний курс 2-3 долоо хоног.