ПРОМАГ (PROMAG)

Фармакологийн үйлдэл

Гидротальцит нь антацид бэлдмэл бөгөөд давсны хүчлийг саармагжуулсанаар ходоодны шүүсний хүчлийг багасгана. Пепсины идэвхийг бууруулж, ходоодны салст бүрхүүлийг хамгаалж, үрэвслийг эмчилнэ.

Промаг эмийн давуу тал нь магнийн оксид агуулдаг. Магнийн исэл нь ходоодны хүчил ихэссэн тохиолдолд (гиперацид гастрит, ходоод болон дээд гэдэсний шархлаа өвчний үед) хэрэглэдэг гол бэлдмэлийн нэг. Магнийн исэл нь ходоодонд шимэгддэггүй бөгөөд ходоодны шүүсний давсны хүчлийг саармагжуулж магни хлорид үүсгэнэ. Үүгээрээ баас гадагшлуулах нөлөөтэй.

Симетикон гадаргуугийн идэвхт бодис бөгөөд хоол боловсруулах зам дахь хийг өөртөө шингээж гэдэс дүүрэхийг багасган
өтгөний хамт гадагшилна.

Сүүлийн үед хөнгөн цагаан (алюминий) агуулсан антацид бэлдмэлийг удаан хугацаагаар хэрэглэхэд хүмүүсд хөнгөн цагааны ионы хуримтлал үүсч байгааг тогтоожээ. Хөнгөн цагаан агуулсан антацид бэлдмэлийг хэрэглэхэд Альцхеймерийн өвчин үүсгэх нөлөө үзүүлдэгийг илрүүлжээ.

Хэрэглэх заалт

• Хэвийн ба ходоодны хүчил ихэссэн, ходоод гэдэсний шархлаа, улаан хоолойн сөргөө
• Архи, тамхи, гурилан бүтээгдэхүүн хэрэглэсний дараа ходоод цээж хорсож өвдөхөд ууна.
• Цочмог болон нойр булчирхайн архаг үрэвсэл, дээд гэдэсний цочмог үрэвсэл, дээд гэдэсний шархлаа өвчин
• Жирэмсэний үед ходоод, цээж хорсох үед тус тус хэрэглэнэ. Жирэмсэн эмэгтэйчүүдэд улаан хоолойн сөргөөний үед
хамгийн гаж нөлөө багатай эм гэдгийг судалгаагаар тогтоожээ.

Анхааруулга

Антацид бэлдмэлийг хоол идэхээс хагас цагийн өмнө эсвэл хоол идсэнээс хойш 2 цагийн дараа жижиглэж эсвэл амандаа хүлхэж ууна.