ОПИМОКС (OPIMOX)

Бета-лактамын пенициллины бүлгийн антибиотик

Судсанд тарих амоксициллин

Судсанд тарих цэвэршилттэй

Ангилал: Антибиотик, нян вирусын эсрэг бэлдмэл

Фармакологийн үйлдэл

Пенициллины бүлгийн өргөн хүрээний үйлчилгээтэй, хүчиллэг орчинд тэсвэртэй хагас нийлэг антибиотик. Транспептидазад хориг тавьж пептидогликаны нийлэгжилтийг зогсоодог. Пептидогликан нь нянгийн эд эсийн ханыг бэхжүүлэх гол уураг тул нян хайлж устдаг. Грам эерэг болон грам сөрөг нянгийн аль алинд нөлөөлнө. Харин пеницилиназа фермент ялгаруулдаг нянд нөлөөлөхгүй. Хэрэглэснээс 1–1,5 цагийн дараа цусан дахь концентрац дээд хэмжээндээ хүрнэ.

Найрлага

Нэг тун шилд агуулагдах хэмжээ:……………….Амоксициллин ВР 1 гр

Хэрэглэх заалт

Амьсгалын дээд болон доод замын халдварууд (гүйлсэн булчирхайн хурц, архаг үрэвсэл, гуурсан хоолойн үрэвсэл, уушгины цочмог болон архаг үрэвсэл)
Шээсний замын халдвар
Хэвлийн гялтангийн үрэвсэл, арьс зөөлөн эдийн халдвар
Хоол боловсруулах замын өвчин (архаг гастрит, ходоод дээд гэдэсний шархлаа өвчин)
Тулгуур эрхтний халдвар болон бусад пенициллинд мэдрэг нянгаар үүсгэгдсэн өвчинд хэрэглэнэ.
Шээс бэлгийн замын халдварт өвчин (архаг ба хурц пиелонефрит, пиелит, түрүү булчирхайн үрэвсэл, давсагны үрэвсэл, заг хүйтэн, жирэмсний үед шинж тэмдэг илрээгүй боловч шээсэнд нян илрэх-бактериури)
Эмэгтэйчүүдийн өвчин (аборт, эндометрит)
Халдварт эндокардитийг эмчлэхэд (аминогликозидтой хавсрана)
Жижиг мэс ажилбарын дараа халдвараас урьдчилан сэргийлэх зорилгоор 24-48 цагийн өмнө тарина.
Менингитын эмчилгээнд амоксициллиныг мөн өргөн хэрэглэдэг.

Хэрэглэх тун

Жижиг мэс ажилбарын үед эндокардитаас сэргийлэх зорилгоор 3 гр-ыг 1 цагийн өмнө судсанд тарина. Шаардлагатай үед 8–9 цагийн дараа давтан тарьдаг. Хүүхдэд тунг 2 дахин багасгана. Стрептококкын халдварын үед хүндрэлээс сэргийлэх зорилгоор эмчилгээг 10-аас доошгүй хоног үргэлжлүүлнэ. Опимокс нь онцгой цэвэршилттэй тул судсанд тарина.Харин опимоксыг насанд хүрэгсэдийн судсанд 500 мг-аар 6-8 цагийн зайтай тарих боломжтой. Булчинд тарих шаардлагатай үед нунтагийг 4 мл тарилгын нэрмэл ус эсвэл 0,9% натри хлоридийн уусмалд уусгасны дараа талыг нь соруулан авч түүн дээрээ 2 мл 2%-ийн лидокайн нэмж соруулан тарина. Үлдсэн уусмал дээр 2 мл лидокайн нэмж 8 цагийн дараа тарихад идэвхээ алдахгүй.

Хүүхдэд хоногийн тун нь 1 удаад 40 мг/ кг-аар тооцож 6 цагийн зайтай тарина. Зарим хүнд өвчний үед 1 гр-аар 6 цагийн зайтай 0,9% натри хлоридын 100 мл уусмалд найруулан 30 минутын турш судсанд аажим дусаана.