ЛЕКСА (LEXA)

Фторхинолоны бүлгийн антибиотик

Нэг шахмалд агуулагдах хэмжээ:…………….Левофлоксацин 500 мг № 10 шахмал

Ангилал: Антибиотик, нян вирусын эсрэг бэлдмэл

Фармакологийн үйлдэл

Фторхинолоны бүлгийн II үеийн өргөн хүрээний үйлдэлтэй нийлэг аргаар гаргаж авсан антибиотик. Левофлоксацин нь офлоксацины зүүн гарын изомер бөгөөд ДНХ-гираза ферментийг дарангуйлж ДНХ-ийн нийлэгжилтийг удаашруулдаг. Үүний үр дүнд нянгийн бүрхүүл, эсийн хана, цитоплазмд гүнзгий нэвтэрч бүтэцийн өөрчлөлт үүсгэнэ.

Агаартан грам эерэг болон грам сөрөг нянд үйлчилдэг. In vitro болон in vivo нөхцөлд левофлоксацин нь ихэнх нянг устгах чадвартай. Иймээс бусад антибиотикт тэсвэртэй нянгийн халдварын үед левофлоксациныг хэрэглэх нь чухал. Corynebacterium diphtheria, Enterococcus spp, Listeria monocytogenes, Staphylococcus spp, Staphylococcus aureus, Staphylococcus epidermidis, C, G бүлгийн Streptococcus, Enterobacter aerogenes, Proteus vulgaris, Chlamidia pneumonia, Neisseria gonorrhoeae, Neisseria meningitis, Mycobacterium tuberculosis, Rickettsia spp, Ureaplasma urealyticum зэрэгт өндөр идэвхтэй.

Левофлоксациныг ууж хэрэглэхэд хоол боловсруулах замаас маш түргэн шимэгддэг тул хоолтой хамт хэрэглэхэд бүрэн шимэгдэнэ. Ийлдэсийн уурагтай 30-40% холбогдож эд эрхтэнд маш сайн шингэдэг, 87% нь шээсээр ялгардаг.

Хэрэглэх заалт

Амьсгалын замын халдварт үрэвсэлт өвчин, хамрын дайвар хөндийн цочмог үрэвсэл, гуурсан хоолойн багтрааны сэдрэлт, эмнэлгийн бус уушгины үрэвсэл
Шээс ялгаруулах замын халдварын хүндрэл, давсагны үрэвсэл, пиелонефрит, гломерулонефрит, төмсөгний үрэвсэл, түрүү булчирхайн үрэвсэл
Арьс зөөлөн эдийн халдвар, дээрх заалтуудтай холбоотой цусан үжил, хэвлийн хөндийн халдвар.
Уушгины хэлбэрийн боом өвчнөөс сэргийлэх
Сүүлийн үед хеликобактерийн схем эмчилгээнд өргөн хэрэглэж байна.

Хэрэглэх тун

Өдөрт 1 шахмалаар 1-2 удаа зажлахгүй, хангалттай хэмжээний усаар даруулж хоолны өмнө эсвэл хоолны дундуур ууна. Халдварын төрөл, хүндрэлээс хамаарч тунг тохируулна.
Хамрын дайвар хөндийн үрэвслийн үед өдөрт 500 мг-аар 1 удаа 10-14 хоног
Архаг гуурсан хоолойн үрэвслийн сэдрэлийн үед өдөрт 250-500 мг-аар 7-14 хоног
Шээс ялгаруулах замын өвчин тухайлбал давсагны үрэвслийн үед өдөрт 250 мг-500-аар 1 удаа 3 хоногийн турш ууна. Пиелонефритэд өдөрт 250 мг-500-аар 1 удаа 7-10 хоног ууна.

Гаж нөлөө

Зөв хэрэглэвэл гаж нөлөө багатай, ховор тохиолдолд толгой өвдөх, огиулах шинж илрэнэ.

Хориглох заалт

Идэвхтэй өсөлтийн үеийн 18 нас хүртэлх хүүхэд, жирэмсэн болон хөхүүл эмэгтэйчүүд, бэлдмэлд хэт мэдрэг хүн хэрэглэхгүй. Мөн сүүлийн үед нүдний харааны мэдрэлд нөлөөлж болзошгүй талаар бичсэн байна.