МАКСИЛАН (MAXILAN)

Цефалоспорины бүлгийн IV үеийн антибиотик

Нэг тун шилд агуулагдах хэмжээ:……………………Цефепим гидрохлорид 1 гр

Тарилгын нэрмэл ус ………………………………………………………………..10 мл

Ангилал: Антибиотик, нян вирусын эсрэг бэлдмэл

Фармакологийн үйлдэл

Манай Монфа компани анхдагчаар цефалоспорины 4-р үеийн антибиотик цефепим гидрохлорид (максилан), цефпиром (ланпиром) оруулж ирж улсын эмийн бүртгэлд бүртгүүлэн 3 жил эмчилгээний практикт хэрэглэж, өндөр идэвхтэй нь батлагдсан.

Цефепим нь цефалоспорины 4-р үеийн өргөн хүрээний үйлдэлтэй антибиотик бөгөөд нянгийн эсийн бүрхүүлийн нийлэгжилтийг зогсоож нянг устгадаг.

Цефтазидим болон цефалоспорины 3-р бүлгийн антибиотик эсвэл аминогликозидуудад тэсвэртэй болсон нян болон ихэнх грам эерэг болон грам сөрөг, агаартан, агааргүйтэн нянгийн эсрэг өндөр идэвхтэй.

Грам эерэг агаартан:

Staphylococcus aureus., Staphylococcus epidermidis., бусад Staphylococcus hominis., S.saprophyticus, Streptococcus pyogenes (A-бүлэг)., Streptococcus agalactiae (Б-бүлэг), Streptococcus pneumonia.

Грам сөрөг агаартан:

Pseudomonas aeruginosa, P.putida, P.stutzeri, Escherichia coli, Klebsiella sp., K.pneumoniae, K.oxytoca, Enterobacter sp., E.colacae, E.aerogenes, E.agglomerans, Proteus sp., P.mirabilis, P.vulgaris, Acinetobacter calcoaceticus (Anitratus, Iwoffi), Citrobacter sp., C.diversus,C.freundii, Haemophilus influenzaе., Neisseria meningitidis, Providencia sp., P.rettgeri, P.stuarti, Salmonella sp., Serratia., Shigella sp., S.marcescens,

Агааргүйтэн бичил биетэн:

Цефепим нь Clostridium difficilе ба Bacteroides fragillis-аар үүссэн халдварт өвчинд идэвхтэй нөлөөлдөг.

Найрлага

Нэг тун шилд агуулагдах хэмжээ:……………………Цефепим гидрохлорид 1 гр

Тарилгын нэрмэл ус ………………………………………………………………..10 мл

Хэрэглэх заалт

Дараах мэдрэг нянгуудаар үүссэн эмнэлгийн хүнд халдварын эмчилгээнд хэрэглэнэ.

Амьсгалын доод замын халдварууд (уушгины үрэвсэл, бронхопневмони)
Шээсний дээд болон доод замын хүндэрсэн халдварууд (пиелонефрит)
Арьс ба арьсны үрэвсэлт өвчнүүд
Хэвлийн хөндийн халдварууд (хэвлийн гялтангийн үрэвсэл, цөсний хүүдийн халдвар)
Хүндэрсэн хэлбэрийн эмэгтэйчүүдийн халдварууд
Цусан үжил
Pseudomonasa-аар үүсгэгдсэн халдварууд
Нейтропени буюу цагаан эсийн тоо буурсан үеийн халуурлын эмчилгээнд хэрэглэнэ.

Хэрэглэх тун

Насанд хүрэгсэд: 1 гр-аар 12 цагийн зайтай судас болон булчинд тарьж хэрэглэнэ.

Бөөрний үйл ажиллагааны өөрчлөлтэй болон хэт мэдрэг өвчтөнд тунг тохируулна. Насанд хүрэгсэд хүснэгтэд заасан тунгаар 7-10 хоног хэрэглэнэ. Халдварын байдлаас хамааран тарих хугацааг тогтооно.

Халдварын хэлбэр	Зөвлөсөн тун хэмжээ
Хөнгөн болон дунд зэргийн шээсний замын халдварууд	0,5 г -1 гр-аар 12 цагийн зайтай булчинд эсвэл судсанд
Хөнгөн болон дунд зэргийн шээсний замын бусад халдварууд	1 гр-аар 12 цагийн зайтай булчинд эсвэл судсанд
Хүндэрсэн халдварууд	2 гр-аар 12 цагийн зайтай судсанд
Маш хүнд болон амь насанд аюултай халдварууд	2 гр-аар 8 цагийн зайтай судсанд

Хүүхдэд : 2 сартайгаас дээш 40 кг жинтэй хүүхдэд биеийн жингээс хамааран 50 мг/кг-аар тооцон өдөрт 2 удаа хэрэглэнэ. Үрэвслийн хэмжээнээс хамааран өдөрт 3 удаа хэрэглэж болно.

Бөөрний үйл ажиллагаа алдагдсан өвчтөнд цефепимын тунг тохируулж хэрэглэнэ.

Эхлээд ачааллын тунгаар дараа нь өвчтөний бөөрний түүдгэнцрийн шүүлтийн хурдыг шалгасны дараа тохирох тунгаар тарина.

Бөөрний түүдгэнцрийн шүүлтийн хурд 30-60 мл/мин байвал 0,5 гр – 2 гр-аар 24 цагийн зайтай
Бөөрний түүдгэнцрийн шүүлтийн хурд 11 – 29 мл/мин байвал 0,5 гр – 1 гр-аар 24 цагийн зайтай
Бөөрний түүдгэнцрийн шүүлтийн хурд ˂10 мл/мин байвал 250 мг – 500 мг-аар 24 цагийн зайтай

Хэрэглэх арга

Цефепимийг булчин болон судсанд тарьж хэрэглэнэ.

Судсанд тарих: Өвчтөний амь насанд аюул учруулж буй халдвар болон маш хүндэрсэн халдварын үед судсаар тарьж хэрэглэнэ.
Шууд судсанд тарих: Цефепимийг 10 мл тарианы ус эсвэл 5 % глюкозын уусмал, 0.9 % натрийн хлорид уусмалаар найруулна. 1 гр туншил дээр 10 мл тарианы ариун уусмал хийхэд 11,5 мл хэмжээтэй болно. Энэ уусмалыг венийн судсанд маш удаанаар буюу 3-5 минутын турш аажим тарина.
Судсанд дуслаар тарих: Цефепимийг 100 мл 0,9 % натри хлорид эсвэл 5 % глюкозын уусмалаар найруулан дуслаар тарина.
Булчинд тарих: Цефепимыг 2.4 мл ариун тарианы ус эсвэл 5 % глюкозын уусмал, 0.9 % натрийн хлорид уусмалаар найруулна. Өвдөлтэй бол цефепимыг 0.5 %-1 % лидокайны уусмалаар найруулж болно. Өвдөлтгүй бол лидокайнаар найруулах шаардлагагүй. 1 гр туншил дээр 2,4 мл тарианы ариун ус хийхэд 3,8 мл уусмал болно. Уг уусмалыг 24 цагийн турш хөргөгчид 4⁰-8⁰-с хадгалахад идэвхээ алдахгүй, тогтвортой.

Эмийн харилцан үйлчлэл

Цефепимын ариун тарилгын уусмал дээр метронидазол, ванкомицин, гентамицин, тобрамицин сульфат эсвэл метилмицин сульфатын уусмалыг нэмж болохгүй. Учир нь үйлдэл нь нэмэгддэг. Хэрэв цефепимтэй хавсран хэрэглэх тохиолдолд тус тусад нь хийх хэрэгтэй. Аминогликозид, диуретик эмтэй хамт хэрэглэхэд бөөр хордуулах болон сонсгол хордуулах үйлдэл нь ихсэж болзошгүй.

Гаж нөлөө

Харшил: арьсны тууралт, бижрүү, чонын хөрвөс, загатнаа, халуурах, цочмог болон хүндэрсэн хэлбэрийн харшлын урвал (анафилакси)
Хоол боловсруулах системд: дотор муухайрах, бөөлжих, хэвлийгээр өвдөх, суулгах, диспепси
Зүрх судасны системд: цээжээр хөндүүрлэх ба зүрх дэлсэх
Амьсгалын замд: ханиалгах, хоолой хөндүүрлэх
Хэсэг газрын урвал: флебит ба тарьсан хэсэг үрэвсэх

Хориглох заалт

Бета-лактамы антибиотикт мэдрэг ба цефепимын найрлагад орсон бодист хэт мэдрэг хүнд хэрэглэхгүй. Бүдүүн гэдэсний үрэвсэлтэй өвчтөн, жирэмсэн ба хөхүүл эхэд мөн шарлалттай нярайд болгоомжтой хэрэглэнэ.