ЛАНПИРОМ (LANPIROME)

Цефалоспорины бүлгийн IV үеийн антибиотик

Нэг тун шилд агуулагдах хэмжээ:………………..Цефпиром 1 гр

Тарилгын нэрмэл ус………………………………………………….10 мл

Ангилал: Антибиотик, нян вирусын эсрэг бэлдмэл

Фармакологийн үйлдэл

Цефпиром сульфат нь цефалоспорины IV үеийн тарианы антибиотик бөгөөд нянгийн эсийн бүрхүүлийн нийлэгжилтийг саатуулж нянг устгадаг. Цефпиром сульфат нь маш олон эмнэлзүйн туршилтаар грам эерэг болон грам сөрөг бактери мөн агаартан ба агааргүйтэн нянгийн эсрэг өндөр идэвхтэй нь тогтоогдсон.

Цефпиром сульфат нь биеийн эд болон шингэн рүү маш хурдан өргөн тархаж, нянгийн эсрэг үйлдэл нь өвчний голомт бүхий концентрац бага хэсэгт хүрдэг. Viridans бүлгийн стрептококк, сөрөг бүлэгнэлттэй стафилококк, MRSA (метициллинд тэсвэртэй алтлаг стафилококк), энтеробактер зэрэг эмнэлгийн халдварын олон эмгэг төрөгчийн эсрэг үйлчилнэ. In vitro судалгаанд: цефпиром сульфат болон аминогликозидын антибиотиоийн хослол нь эрчимжих үйлдэл үзүүлдэг. Цефпиром сульфат нь хувирахгүйгээр бөөрөөр ялгардаг. Эмнэлзүйн туршилтаар халдвараас шалтгаалсан эмгэг өөрчлөлтийг сайн эмчилж байсан.

Грам эерэг нянд:

Staphylococcus aureus, Staphylococcus spp., (Staphylococcus epidermidis,Staphylococcus saprophyticus, Staphylococcus hominis, Staphylococcus warneri), гемолитик ба гемолитик бус стрептококк, Streptococcus pyogenes (бүлэг А), Streptococcus pneumonia, Streptococcus agalacitiae, Enterococcus faecalis, Corynebacterium spp.,

Грам сөрөг нянд:

Escherichia coli, Enterobacter spp.,Shigella spp., Klebsiella spp., Salmonella spp, Enterobacter spp., Hafnia alveri, Serratia spp., Proteus mirabilis, Proteus vulgaris, Proteus rettgeri, Morganella morganii, Providencia spp., Yersinia enterocolitica, Pasteurella multocida, Haemophilus influenza, Haemophilus ducreyi, Moraxella catarrhalis, Neisseria meningitides, Neisseria gonorrhoeae, Aeromonas hydrophila. Pseudomonas aeruginosa оролцуулан грам сөрөг, грам эерэг нянгийн эсрэг өндөр идэвхтэй. Bacteroides fragilis, enterococcus-д нөлөөлдөггүй.

Найрлага

Нэг тун шилд агуулагдах хэмжээ:………………..Цефпиром 1 гр

Тарилгын нэрмэл ус………………………………………………….10 мл

Хэрэглэх заалт

Дараах мэдрэг нянгаар үүссэн халдварын үед хэрэглэнэ.

Амьсгалын доод замын халдвар (бронхопнемони, уушгины үрэвсэл)
Шээсний дээд замын хүндэрсэн (пиелонефрит) болон доод замын халдвар
Арьс болон зөөлөн эдийн халдвар (целлюлит, арьсны идээт үрэвсэл болон халдварт шарх)
Мэдрэлийн тогтолцооний халдвар
Pseudomonas aeruginosa-аар үүссэн халдвар
Хүнд өвчтэй дархлаа суларсан өвчтөнд
Цусан үжил
Бусад хүнд хэлбэрийн халдваруудын үед хэрэглэнэ

Тугналт

Хэт мэдрэг хам шинжтэй болон бөөрний үйл ажиллагааны дутмагшилтай өвчтөнд халдварын хүндэрсэн нөхцөлийг харгалзан тун хэмжээ ба тунгийн горимыг тохируулна. Бусад тохиолдолд жорын дагуу буюу бөөрний үйл ажиллагаа хэвийн, насанд хүрсэн хүнд хэрэглэвэл зохих тунг дорх хүснэгтэд харуулав.

Хэрэглэх заалт	Тун хэмжээ	Тун хоорондын зай	Өдрийн дээд тун
Шээсний дээд болон доод замын халдварууд	1 гр	12 цагийн зайтай	2 гр
Арьс болон зөөлөн эдийн халдварууд	1 гр	12 цагийн зайтай	2 гр
Амьсгалын доод замын халдварууд	1 гр/2 г	12 цагийн зайтай	2 гр/ 4 гр
Цусан үжил	2 гр	12 цагийн зайтай	4 гр
Нейтропени	2 гр	12 цагийн зайтай	4 гр
Бусад хүнд хэлбэрийн халдварууд	2 гр	12 цагийн зайтай	4 гр

Арьс зөөлөн эдийн болон шээсний замын халдварын үед нэг удаагийн тунг халдварын хүнд хөнгөнөөс шалтгаалан 2 гр хүртэл нэмэгдүүлж болно.

Бөөрний үйл ажиллагааны дутмагшилтай өвчтөнд тунг багасгаж дараах тунгаар хэрэглэнэ.

Цусны сийвэн дэх креатинины суурь түвшин ба бөөрний түүдгэнцрийн шүүлтийн хурдийг (Креатининий клиренс) дараах аргаар тооцно (Кокровтын тэгшитгэл).

Эрэгтэй хүнд:

Бөөрний түүдгэнцрийн шүүлтийн хурд (мл/мин)=(Биеийн жин (кг) х (140-нас)

(72 x цусны сийвэн дэх креатинин (mg/dl)

Эмэгтэй хүнд: Дээрх тэгшитгэлийг 0,85-аар үржүүлэн тооцно.

Хэрэглэх арга:

Уусгагчаас хамааран туншилийг бага зэргийн сөрөг даралтан дор үйлдвэрлэдэг. Нүүрстөрөгчийн давхар исэл нь нунтагийн уусалтыг бууруулдаг тул даралтыг нэмэгдүүлэх хэрэгтэй. Уусмал нь нүүрстөрөгчийн давхар ислийн бөмбөлгүүдийг агуулж байдаг ба энэ нь гаж нөлөө үүсгэдэггүй.

Судсаар тарих: 1 туншилд агуулагдах Цефпиром 1 гр-ийг 10 мл тарилгын уусмалаар найруулан 3-5 минутын турш венийн судсанд удаан тарьж хэрэглэнэ.
Судсанд дуслаар тарих: 1 туншилд агуулагдах Цефпиром 1 гр-ийг 100 мл тарилгын уусмалаар найруулан 20-30 минутын турш дуслаар тарина. Найруулах уусмалд 0,9 % натрийн хлоридын уусмал, Рингерийн уусмал, 5 болон 10 % глюкозын уусмалыг хэрэглэнэ.

Цефпиромыг натрийн бикарбонатын уусмалд найруулахыг хориглоно.

Тун хэтрэлт

Цефпиромоос шалтгаалан бодисын солилцооны хүчилшил-(ацидоз) үүсэж болзошгүй. Цусны сийвэн дэх цефпиромын түвшинг багасгах зорилгоор диализ болон гемодиализ хийнэ.

Гаж нөлөө

Харшлын урвал: Арьсанд харшлын урвал илрэх (тууралт, бижрүү), загатнаа, халуурах, хүндэрсэн хэлбэрийн харшлын урвал (анафилаксийн шок) илэрч болзошгүй.
Хоол боловсруулах тогтолцооны талаас: дотор муухайрах, бөөлжих, хэвлийгээр өвдөх, суулгах.
Элэгний үйл ажиллагаанд нөлөөлөх: цусны сийвэн дэх элэгний ферментийг ихэсгэж болзошгүй.
Бөөрний үйл ажиллагаанд нөлөөлөх: цусны сийвэн дэх креатинины хэмжээ ихсэж болзошгүй.
Бусад: Цефпиромыг бусад антибиотик эмтэй хамт удаан хугацаагаар эмчилгээнд хэрэглэхэд мэдрэг бус нянгуудыг хэт их өсгөж болзошгүй.

Анхааруулга

Бөөрний үйл ажиллагаа алдагдалтай өвчтөнд цефпиром сульфатыг шээс хөөх эм эсвэл аминогликозидтой хамт хэрэглэх тохиолдолд тунг хянах шаардлагатай.
Цефпиром сульфатыг хүүхдэд хэрэглэсэн хангалттай эмнэлзүйн судалгаа байхгүй.
Пенициллинд хэт мэдрэг өвчтөнд хэрэглэх боломжтой бөгөөд хэрэв ямарваа нэг таарахгүй шинж илэрвэл цефпиромын эмчилгээг зогсооно.