ЗИТРОЛИН (ZITROLIN)

Макролидын бүлгийн антибиотик

Нэг нимгэн бүрхүүлтэй шахмалд:…………….Азитромицин 500 мг № 6 шахмал

Ангилал: Антибиотик, нян вирусын эсрэг бэлдмэл

Фармакологийн үйлдэл

Азитромицин нь макролидын бүлгийн антибиотик. Азитромицины үйлдлийн механизм нь рибосомын 50S дэд нэгжтэй холбогдож, пептидийн транслокацийг саатуулах замаар нянгийн уургийн нийлэгжилтийг дарангуйлдаг.

Нянгийн эсрэг өргөн хүрээний үйлдэлтэй антибиотик юм:

Грам-эерэг агаартан нян: Staphylococcus aureus, Streptococcus pyogenes (А-бүлгийн β-цус задлагч стрептококк), Streptococcus pneumoniae, альфа-цус задлагч стрептококк (viridans бүлэг) болон бусад стрептококкууд мөн Corynebacterium diphtheria эсрэг өндөр идэвхтэй.

Грам сөрөг агаартан нян: Haemophilus influenzae, Haemophilus parainfluenzae, Moraxella catarrhalis, Acinetobacter мөн Yersinia spp, Legionella pneumophila, Bordetella pertussis, Bordetella parapertussis, Shigella, Pasteurella spp, Vibrio cholera, parahaemolyticus болон Plesiomonas shigelloides эсрэг өндөр идэвхтэй.
Агааргүйтэн нян: Bacteroides fragilis, Bacteroides spp, Clostridium perfringens, Peptococcus, Peptostreptococcus spp, Fusobacterium necrophorum мөн Propionibacterium acnes.
Бэлгийн замын халдварт өвчнүүдийн үүсгэгчид: Chlamydia trachomatis-н Treponema pallidum, Neisseria gonorrhoeae болон Haemophilus ducreyi-н эсрэг идэвхитэй үйлдэл үзүүлдэг.
Бусад үүсгэгчид: Borrelia burgdorferi (Лаймын өвчин үүсгэгч), Chlamydia pneumoniae, Mycoplasma pneumoniae, Mycoplasma hominis, Ureaplasma urealyticum, Campylobacter spp мөн Lysteria monocytogenes.
ХДХВ-ын халдвартай холбоотой эмгэг төрүүлэгч бичил нян: Mycobacterium avium–intracellulare complex, Pneumocystis carinii болон Toxoplasma gondii эсрэг өндөр идэвхтэй.

Хэрэглэх заалт

Амьсгалын доод замын халдвар: Haemophilus influenzae, Moraxella catarrhalis болон Streptococcus pneumonia-р үүсгэгдсэн уушгины архаг бөглөрөлт өвчний нянгийн шалтгаантай сэдрэл.
Амбулаториор ууж эмчлүүлэх боломжтой Streptococcus pneumoniae эсвэл Haemophilus influenzae-р үүсгэгдсэн хөнгөн явцтай эмнэлгийн бус уушгины үрэвсэл
Амьсгалын дээд замын халдвар: Стрептококкын шалтгаант залгиурын үрэвсэл/гүйлсэн булчирхайн үрэвсэл, дунд чихний үрэвсэл: Streptococcus pyogenes-р үүсгэгдсэн цочмог явцтай залгиурын үрэвсэл/гүйлсэн булчирхайн үрэвсэлд.
Арьс болон арьсны бүтцийн халдвар: Staphylococcus aureus, Streptococcus pyogenes эсвэл Streptococcus agalactiae-р үүсгэгдсэн арьс болон арьсны бүтцийн хүндрэлгүй халдварууд.
Бэлгийн замын халдварт өвчнүүд: Chlamydia trachomatis-р үүсгэгдсэн гонококкын бус гаралтай шээсний сүвийн үрэвсэл болон умайн хүзүүний үрэвсэл
Заг хүйтэн өвчний үед цефриаксом тариатай хавсарч хэрэглэнэ.
Лаймын өвчин
Улаан эсэргэнэ

Хэрэглэх тун

Ууж хэрэглэнэ: хоногт 1 удаа хоолноос хамаарахгүйгээр ууж хэрэглэнэ.

Халдварын үед дараах тунгаар хэрэглэнэ:

Насанд хүрэгсэд (настангууд орно): Chlamydia trachomatis, Haemophilus ducreyi мөн Neisseria gonorrhoeae-р үүсгэгдсэн БЗХӨ-ний эмчилгээнд 1000 мг тунгаар 1 удаа ууж хэрэглэнэ. Бусад бүх заалтуудад 500 мг тунгаар хоногт 3 удаа буюу нийт 1500 мг тунгаар ууж хэрэглэнэ. Мөн эхний өдөр 500 мг тунгаар хоногт 1удаа хэрэглээд дараагийн 2-5 дахь өдрүүдэд 250 мг тунгаар хоногт 1 удаа нийт 5 өдөр ууж хэрэглэх өөр нэг хувилбар байна.
Хүүхдэд: хүүхдэд хэрэглэх нийт тун 30 мг/кг байх ба 10 мг/кг тунгаар хоногт 1 удаа хэрэглэх эсвэл эхний өдөр 10 мг/кг тунгаар дараагийн 2-5 дахь өдрүүдэд хоногт 5 мг/кг тунгаар хэрэглэх өөр хувилбар байна. 6-с доош сартай хүүхдэд хэрэглэх талаар мэдээлэл байхгүй.
Бөөрний дутмагшилтай өвчтөн: хөнгөн болон дунд зэргийн явцтай бөөрний дутмагшилтай (түүдгэнцрийн фильтрацийн хурд 10-80 мг/мин) өвчтөнүүдэд тунгийн зохицуулалт хийх шаардлагагүй. Хүнд явцтай бөөрний дутмагшилтай өвчтөнүүдэд (түүдгэнцрийн фильтрацийн хурд<10 мг/мин) болгоомжтой хэрэглэнэ.
Элэгний дутмагшилтай өвчтөн: Элэгний хөнгөн болон дунд зэргийн дутмагшилтай өвчтөнд элэгний үйл ажиллагаа хэвийн хүмүүстэй ижил тунгаар хэрэглэж болно.

Эмийн харилцан үйлчлэл

Ходоодны хүчил саармагжуулах бэлдмэлүүд: Зитролиныг ходоодны хүчил саармагжуулагч бэлдмэлтэй хамт хэрэглэж болохгүй.

Цээрлэлт

Азитромицин, эритромицин, макролид эсвэл кетолидын бүлгийн антибиотикууд болон зитролины аль нэг туслах бодист хэт мэдрэг хүмүүст хэрэглэхгүй.

Гаж нөлөө

Азитромицин нь гаж нөлөө багатай зохимж сайтай бэлдмэл.
Сонсгол болон тэнцвэрийн эмгэг: сонсголын эмгэг (сонсгол алдагдах, дүлийрэх, чих шуугих)
Хоол боловсруулах замын эмгэг: бөөлжих, дотор муухайрах, суулгах, хэвлийгээр өвдөх/агчих, гэдэс дүүрэх, хоол боловсруулах замын хямрал, өтгөн хатах, бүдүүн гэдэсний хуурамч бүрхүүлт үрэвсэл, нойр булчирхайн үрэвсэл.