ВИАТРИМ (WIATRIM)

Сульфаниламидын бүлгийн нянгийн эсрэг бэлдмэл

Нэг шахмалд агуулагдах хэмжээ:

Триметоприм……………………………..80 мг

Сульфаметоксазол……………………400 мг № 100 шахмал

Ангилал: Антибиотик, нян вирусын эсрэг бэлдмэл

Фармакологийн үйлдэл

Нянгийн эсрэг өргөн хүрээний үйлчилгээтэй эм бөгөөд триметоприм болон сульфаметоксазолын холимог найрлагатай.

Сульфаметоксазол нь дигидрофолийн хүчлийн нийлэгжилтийг саатуулж, триметоприм нь дигидрофолийн хүчлийг ангижруулж нянгийн үржил өсөлтөд шаардлагатай тетрагидрофолийн хүчил үүсэхийг дарангуйлдаг.

Дигидрофолийн хүчил болон тетрагидрофолийн хүчил гэсэн хоёр ферментийн хүчлийн нийлэгжилтийг саатуулснаар фолийн хүчлийн үүслийг зогсоож, нянгийн эсрэг нөлөө ихсэж, үйлчлэх нянгийн хүрээг нэмэгдүүлэх, тэсвэржилт үүсгэхийг багасгадаг.

Грам эерэг болон грам сөрөг нянгууд тухайлбал: Moraxella catarrhalis, Haemophilus influenzae, Pneumocystis carinii, Toxoplazma gondii пневмоцист, ноккардий, эгэл биетэн (токсоплазм, хумхааны плазмодий, Stenotrophomonas maltophilia) зэргийн эсрэг өндөр идэвхтэй.

Найрлага

Нэг шахмалд агуулагдах хэмжээ:

Триметоприм……………………………..80 мг

Сульфаметоксазол……………………400 мг № 100 шахмал

Хэрэглэх заалт

Амьсгалын дээд ба доод замын халдварт өвчин (архаг бронхит, бронхоэктази, уушгины буглаа, уушгины үрэвсэл), хамар, хоолойн халдвар, чих хамрын дайврын өвчнүүд
Бөөрний болон шээс ялгаруулах тогтолцооны өвчин, эмэгтэй ба эрэгтэй хүний бэлгийн халдварт өвчин (уретрит, цистит, пиелонефрит, простатит)
Хоол боловсруулах эрхтэний халдварт өвчин (шигелл болон гэдэсний савханцараар үүсгэгдсэн)
Арьс болон зөөлөн эдийн халдварт өвчин,
Уураг тархины халдварт өвчин, тархины зөөлөн бүрхүүлийн үрэвсэл, менингит, буглаа
Мэс заслын хагалгааны дараах идээт хүндрэл, ясны чөмөгний хурц болон архаг идээт үрэвсэл
Бруцеллез, токсоплазмоз, ноккардиоз, хумхаа зэрэг өвчин эмчлэхэд хэрэглэнэ.

Хэрэглэх тун

Насанд хүрэгсэд болон 12-оос дээш насны хүүхэд 2 шахмалаар өдөрт 2 удаа 12 цагийн зайтай 5-12 хоногийн турш ууна, үүнээс олон хоног уух шаардлагатай үед өдөрт 2 шахмалаар хэрэглэнэ.
6-12 настай хүүхэд өдөрт 1 шахмалаар (480 мг) 12 цагийн зайтай ууна.
2-5 настай хүүхдэд 240 мг-аар 12 цагийн зайтай уулгана. Энэ эмийг хоолны дараа их хэмжээний шингэнээр даруулж ууна.