ЛИБРОЗИМ ПЛЮС (LIBROZYM PLUS)

Фармакологийн үйлдэл

Ферментийн бэлдмэл бөгөөд нойр булчирхайн үйл ажиллагааны дутмагшилаас үүссэн фермент багадалтыг нөхдөг. Либрозим плюс нь нийлмэл найрлагатай бөгөөд хоол боловсруулах үйл ажиллагааг сайжруулах, гэдэс дүүрэхийг зогсоох үйлдэлтэй.

Диастаза нь нарийн гэдсэнд нүүрс ус шингэх явцыг сайжруулдаг. Панкреатины найрлагад ордог амилаза, липаза, протеаза нь уураг, өөх тос, нүүрс усыг боловсруулж нарийн гэдсэн дэх шимэгдэлтийг сайжруулна. Панкреатин нь нүүрс ус, өөх тос, уургийн дутмагшилаас сэргийлж эдгээрийн шимэгдэх явцыг нэмэгдүүлдэг. Симетикон нь ходоодны хямрал, гэдэс дүүрэхийг намдаах үйлдэлтэй. Мезимфорте нь липаза, амилаза, протеаза агуулдаг бол либрозим эдгээр гурван
ферментэн дээр нэмээд диастаза, симетикон агуулж, нийтдээ 5 найрлагатай.

Хэрэглэх заалт

• Архаг панкреатит, нойр булчирхайн дутмагшил, нойр булчирхайн мэс заслын дараа
• Нойр бүлчирхайн архаг үрэвсэл, нарийн бүдүүн гэдэсний үрэвсэл, элэгний үрэвсэл, цөсны хүүдийн үрэвсэл, ферментийн дутмагшилаас үүдэн хоол боловсруулах үйл ажиллагаа алдагдах, шимэгдэлт муудах, бөөлжис цутгах, ходоод цанхайх зэрэг өвчнүүдийн үед хэрэглэнэ.
• Түүнчлэн элэг цөсний хэвийн үйл ажиллагаа алдагдах (элэгний үрэвсэл, цөсны зогсонгишил, цөсний хүүдийн үрэвсэл) үед хоол боловсруулах үйл ажиллагааг сайжруулах зорилгоор хэрэглэнэ.
• Архаг панкреатитын үед нойр булчирхайн ферментийг нөхөхөөс гадна өвдөлтийг намдаах зорилгоор хэрэглэнэ.

Хэрэглэх тун

Хоол идэхээс 10 минутын өмнө эсвэл хоол идэж байх үедээ 1-2 үрлийг бага зэргийн усаар даруулж өдөрт 3-4 удаа ууна.

Анхааруулга

Панкреатин нь маш бага хэмжээгээр пуриныг агуулах ба панкреатиныг их тунгаар хэрэглэхэд давсагны фиброзтой өвчтөнд
гаж нөлөө илэрч болзошгүй.

Гаж нөлөө

Маш ховор тохиолдолд харшлын урвал илэрч болно.