Лантидекс® Lantidex® Декскетопрофен трометамол Тариа 25 мг/мл

Анхааруулга ба болгоомжлол

• Хүүхдэд аюулгүй эсэх нь тогтоогдоогүй,
• Гуурсан хоолойн багтраа болон эмийн харшилын өгүүлэмжтэй өвчтөнд онцгой анхааралтай хандах,
• Ходоод гэдэсний замын эмгэгшилтэй өвчтөнг ходоод гэдэсний талаас өөрчлөлтүүдийг ялангуяа ходоод гэдэсний цус алдалт үүсэж байгаа эсэхийг сайтар хянах ёстой. Хэрэв ходоод гэдэснээс цус алдах буюу ходоод гэдэсний шархлаа үүсэж байгаа тохиолдолд эмчилгээг яаралтай зогсоох хэрэгтэй.
• Стероид бус үрэвслийн эсрэг бусад эмийн адилаар тромбоцитын агрегаци саатах болон простогландины нийлэгжилт саатсаны улмаас цус алдах хугацаа уртасдаг.
• Сийвэнд мочевин ба креатинин ихсэж болзошгүй. Простогландины нийлэгжилт саатсаны улмаас бөөрний системийн талаас гаж нөлөө илэрч болзошгүй. Тухайлбал гломерулонефрит, бөөрний завсрын эдийн үрэвсэл, бөөрний хөхлөгийн үхжилт, нефротик хам шинж ба бөөрний цочмог дутмагшил.
• Стероид бус үрэвслийн эсрэг бусад эмийн адилаар элэгний ферментүүд ихсэж болох ба хэрэв АЛАТ, АСАТ огцом ихэссэн тохиолдолд эмчилгээг зогсооно. Цус төлжилтийн дутмагшилтай, системийн чоно яр өвчтөй, холбох эдийн хавсарсан хэлбэрийн эмгэгшилтэй өвчтөнүүдэд онцгой анхаарах шаардлагатай.
• Стероид бус үрэвслийн эсрэг бусад эмийн нэгэн адилаар Декскетопрофен нь халдварын гаралтай өвчний шинж тэмдгийг далдалж болох юм.
• Элэг, бөөр буюу зүрхний үйл ажиллагааны дутмагшилтай болон бусад зарим нөхцлүүдэд өвчтөний биед шингэн хуримтлагдаж болзошгүй тул болгоомжтой хандах хэрэгтэй.
• Эдгээр өвчтөнд СБҮЭЭмүүдийг хэрэглэхэд бөөрний үйл ажиллагаа доройтон, биед шингэн хуримтлагдаж болох юм.
• Шээс хөөх эм хэрэглэж байгаа өвчтөнд гиповолеми үүсэж улмаар бөөр хордуулах эрсдэл нэмэгдэж болох тул ихээхэн анхааралтай хандах хэрэгтэй.
• Тунгаас хамааран ходоодны гэдэсний замаас цус алдах буюу цоорох хүндрэл тохиолдож болох тул өндөр настанд болгоомжтой хэрэглэх хэрэгтэй. Эмчилгээний хугацаанд зарим тохиолдолд урьд нь эмгэг шинж тэмдгийн өгүүлэмжгүй өвчтөнд ч гэсэн ноцтой хүндрэл үүсэж болзошгүй.
• Өндөр настанд зүрх судасны, бөөрны буюу элэгний үйл ажиллагааны дутмагшил үүсэх магадлал өндөр байдаг тул элэг ба бөөрний үйл ажиллагааг сайтар хянаж байх хэрэгтэй.

Хэрэглэх арга

• Булчин болон судсанд тарьж хэрэглэнэ.
• Булчинд: Аажим, удаан тарина.
• Дуслгаар: 30-100мл физиологийн уусмал, глюкоз эсвэл Рингер лактатын уусмалд найруулан тарина.
• Найруулсан уусмалыг 10-30 минутын туршид удаан дусааж хэрэглэнэ. Уусмалыг нарны гэрэлээс хамгаалж хадгална.
• Судсанд шахаж тарих: Шаардлагатай тохиолдолд судсанд 15-с доошгүй секунд аажим тарина.
• Аль ч хэлбэрээр хийх тохиолдолд туншилийг хагалсан даруйд хийнэ. Венийн судсанд тарих уусмалыг гэрлийн шууд тусгалаас хол асептик журамыг баритлан шингэлж тарина.

Хэрэглэх тун

Тун:50 мг-аар 8-12 цаг тутамд тарина. Шаардлагатай тохиолдолд тунг 6 цаг тутамд тарьж болно. Хоногийн дээд тун 150мг-аас хэтрүүлж болохгүй. Эмчилгээг удаан хэрэглэж болохгүй, зөвхөн өвдөлтийн хурц үеийг намжаах зорилгоор тарина. Мэс заслын дараах хурц өвдөлтийг намдаах зорилгоор опиот өвчин намдаах бүлгийн эмтэй хавсарч хэрэглэж болно. Ялангуяа мэс ажилбарын дараах эрт үеийн илүү хүчтэй өвдөлтийн үед гэх мэт.

Хориглох заалт

• Декскетопрофенд болон бусад СБҮЭЭ-үүдэд хэт мэдрэгшлийн өгүүлэмжтэй өвчтөндбэлдмэлийн найрлаганд орсон аль нэгэн туслах бодист хэт мэдрэгшсэн хүмүүст
• Үйлчлэгч бодистой төстэй  бэлдмэл (стероид бус үрэвслийн эсрэг бэлдмэл буюу аспирин (ацетилсалицилын хүчил) гэх мэт хэрэглэсний дараа бронхын багтрааны цочмог хөдлөл, гуурсан хоолойн агчилт, хамрын салстын цочмог үрэвсэл буюу хамрын полип, чонон хөрвөс буюу хаван нь дээрх хүчин зүйлсээр өдөөгддөг өгүүлэмжтэй өвчтөнүүд,
• Зүрхний хүнд явцтай дутагдал
• Ходооны шарх (идэвхитэй эсвэл сэжиглэж байгаа), архаг диспепси, ходоодноос цус алдаж байгаа эсвэл бусад цус алдалт байгаа, Кроны өвчин эсвэл бүдүүн гэдэсний шархлаат үрэвсэлтэй, гуурсан хоолойн багтраа, хүнд хэлбэрийн зүрхны дутагдалтай, дундаас хүнд хэлбэрийн бөөрний дутмагшилтай(креатинин<50мл/мин), элэгний үйл ажиллагааны дутмагшилтай (Чайлд Пью оноо 10-15) зэрэг өгүүлэмжтэй хүмүүс
• Цусархаг диатезтэй ба цус бүлэгнэлтийн бусад эмгэгтэй буюу антикаогулант эмчилгээ хийлгэсэн өвчтөнүүд
• Жирэмсэн болон хөхүүл эхэд үед
• Спиртийн агууламжтай бүтээгдэхүүнийг хэрэглэсний улмаас нейроаксиал (нугасны шингэнд буюу эпидурал)нөхцөл байж болзошгүй тохиолдлуудад тус тус хэрэглэж болохгүй.