ТЕНСИРА (TENSIRA)

Ангиотезин II хүлээн авуурт хориг тавигч эм

Найрлага:
Ирбесартан…………………..150 мг, № 30 шахмал
Ирбесартан…………………..300 мг, № 30шахмал

Ангилал: Зүрх судасны өвчин эмчлэх, даралт бууруулах эм

Найрлага

Ирбесартан…………………..150 мг, № 30 шахмал
Ирбесартан…………………..300 мг, № 30шахмал

Фармакологийн үйлдэл

Ирбесартан нь ангиотензин II хүлээн авагч АТ1 хүлээн авуурын антагонист ингибитор тул ангиотензин II үзүүлдэг нөлөөг багасгана. Үүнд: ус давсны хуримтлалыг бууруулж, судасыг тэлж, альдостероны
шүүрлийг багасгаж, симпатомиметик идэвхийг бууруулж, РААС (Ренин Ангиотензин Альдостероны Систем)-ийг дарангуйлсаар артерийн даралт бууруулна.

Ирбесартаныг ангиотензин хувиргагч ферментын ингибитор эмүүд каптоприл, эналаприл, лизиноприл зэрэг эмийг хэрэглэх боломжгүй үед өргөн хэрэглэнэ. Брадикининыг задалж киназа II ферментыг дарангуйлдаггүй тул ханиалга үүсгэхгүй давуу талтай. Бөөрний судасны эсэргүүцлийг бууруулан бөөрний цусны урсгалыг
нэмэгдүүлж чихрийн шижинтэй өвчтөний нефропатийн даамжралыг сааруулна. Зүрхний архаг дутмагшилтай өвчтөний зүүн ховдолын үйл ажиллагааг сайжруулна. Цусны сийвэн дэх триглицерид, холестерин, глюкоз, шээсний хүчлийн концентрацид нөлөөлөхгүй. Ууж хэрэглэснээс 1 цагийн дараа даралт буурна. 3-6 цагийн дараа даралт хамгийн ихээр буурч 24 цагийн турш тогтвортой барина. Тенсира нь IDNT (Irbesartan Diabetic Nepheopathy Trial), Promise, Sharp, Protec, Irma–PRACS зэрэг 101, 730 өвчтөн оролцуулсан мета судалгаагаар
бөөр хамгаалах үйлчилгээтэй болох нь батлагдсан.

Хэрэглэх заалт

• Даралт ихсэх
• Зүрхний архаг дутмагшил, зүүн ховдолын томролттой өвчтөнд
• Инсулины бус хамааралтай чихрийн шижинтэй өвчтөний бөөрний даралт ихсэх хам шинжийн үед шээсээр микро болон макро альбумин ялгаралтыг бууруулах зорилгоор хэрэглэнэ.
• Шээсээр уураг алддаг, бөөрний дутмагшилд орох эрсдэлтэй өвчтөнд даралт бууруулах зорилгоор хэрэглэнэ.

Хэрэглэх тун

Өдөрт 150мг –аар нэг удаа хоолны өмнө, хойно хамаарахгүй ууна. 75-аас дээш насны болон гемодиализд орсон өвчтөнд 75мг-аар уухыг зөвлөдөг. Ирбесартаны тун 150мг байхад эмчилгээний нөлөө хангалтгүй бол 300мг хүртэл нэмэгдүүлнэ. Бусад бүлгийн даралт бууруулах эм ялангуяа шээс хөөх эмтэй хамт хэрэглэхэд үйлдэл нь
нэмэгдэнэ.