ПРОФИЛАС (PROFILAS)

Харшлын эсрэг эм

Нэг шахмалд агуулагдах хэмжээ:………………………Кетотифен 1 мг № 50

Фармакологийн үйлдэл

Профилас нь манай орны эмчилгээний практикт олон жил хэрэглэж байгаа бусад үйлдвэрийн кетотифентэй харьцуулахад эмчилгээний үр дүн сайн, гаж нөлөө бага гэж хэрэглэгч нар үзэж байна. H2 гистамины хүлээн авуурыг дарангуйлан, гистамин лимфокины ялгаралтыг багасгаж амьсгалын замд эозинофил хуримтлагдахыг багасгана.

Харшил эмчлэх, ялангуяа харшлын хүндрэл гуурсан хоолойн багтрааны гол эмчилгээний бэлдмэл болно. Бие махбодод гуурсан хоолойн багтраа үүслийг саатуулан, бронхийн агчилт, гаждал цохиулалт (анафилакси), салстын хаваншил зэрэг харшлын урвалуудыг зогсооно.

Профиласыг шинж тэмдэг арилгахад биш эмчлэхэд хэрэглэдэг тул эмчилгээний үр дүн нэг сар түүнээс цааш хугацаагаар хэрэглэсний дараа илрэнэ.

Найрлага

Нэг шахмалд агуулагдах хэмжээ:………………………Кетотифен 1 мг № 50

Хэрэглэх заалт

Гуурсан хоолойн багтраа, харшлын шинж тэмдгийн эмчилгээны үед
Ринит, дерматит зэрэг өвчний үед
Харшлын өвчнөөс сэргийлэх, харшлын гаралтай бронхит, ринит, коньюктивит, дерматитыг эмчлэхэд хэрэглэнэ.
Нойр муудах үед 1/4-1/2 хувааж орондоо орсоны дараа уухад сайн унтана.

Хэрэглэх тун

Насанд хүрсэн хүн 1/2 ба 1 шахмалыг өдөрт 2 удаа (өглөө, орой) хооллох үедээ ууна. Шаардлагатай үед хоногийн тунг 4 шахмал хүртэл нэмэгдүүлж болно.
Хүүхдэд шахмалыг 4 хувааж өдөрт 2 удаа уулгана.

Эмчилгээг 3 сарын турш хийх бөгөөд аажмаар 2-3 долоо хоногийн турш тунг багасгаж эмчилгээг дуусгана.

Анхааруулга

Энэ эм нойр хүргэх үйлчилгээтэй тул, жолоо барих түүнчлэн техниктэй харьцаж байгаа хүмүүс болгоомжтой хэрэглэвэл зохино. Жирэмсэний эхний 3 сард хэрэглэхийг хориглоно.