ПРОФЕРТИЛ (PROFERTIL)

Өндгөн эс гадагшлалтыг идэвхжүүлдэг эм

Найрлага:
Кломифен цитрат……………….50 мг, № 10 шахмал

Ангилал: Эх барих эмэгтэйчүүдийн практикт хэрэглэх эм

Найрлага

Кломифен цитрат……………….50 мг, № 10 шахмал

Фармакологийн үйлдэл

Кломифен цитрат нь антиэстроген бэлдмэлийн бүлэгт хамаарагдана. Энэ бүлгийн бэлдмэлүүд гипоталамус, өндгөвчин дэхь эстроген хамааралтай хүлээн авууртай холбогдож бага тунгаар гонадотропины ялгаралтыг нэмэгдүүлж өндгөн эс гадагшлалтыг идэвхжүүлнэ.

Хэрэглэх заалт

• Кломифен цитратыг өндгөвчний хэвийн үйл ажиллагаа алдагдах үед өндгөн эс гадагшлах явц саатсан,
• Үргүйдлийг эмчлэх, умайн хэвийн бус цус алдалт,Аменорея буюу сарын тэмдэг 3 сараас дээш алдагдах зэргийг эмчлэхэд хэрэглэнэ.
• Хөхний хорт хавдарын үед ууна.
• Гонадотропины ялгаралтыг идэвхжүүлдэг тул эрэгтэйчүүдийн андрогены дутмагшил, үрийн шингэн дэх сперматозоидын хэмжээ багасах, шилжилтийн насны эрэгтэй хүүхдийн бэлгийн болон биеийн хөгжил удааширсан тохиолдолд хэрэглэнэ.

Хэрэглэх тун

Өндгөн эсийн гадагшлалтыг идэвхжүүлэх зорилгоор сарын тэмдэг ирснээс хойш 5 дахь хоногоос эхлэн өдөрт 1 удаа 1 шахмалыг унтахын өмнө 5 хоногийн турш ууна. Үр дүн сайн гарахгүй бол эмчилгээг 3-5 курсээр үргэлжлүүлнэ. Мөн өдрийн тунг 75-100 мг хүртэл нэмэгдүүлэх эсвэл курс эмчилгээг 10 хоног хүртэл сунгана. Хөхний хорт хавдарын үед (сарын тэмдэг зогссон байдлыг харгалзан эмчийн заавраар) 100 мг-аар өдөрт 2 удаа (өглөө, оройд) удаан хугацаагаар ууна. Андроген дааврын дутмагшил, үрийн шингэнд сперматозоид багассан эрэгтэйчүүд 50 мг-аар өдөрт 1-2 удаа 3-4 сарын турш ууна. Бэлгийн болон биеийн хөгжил сааталтай шилжилтийн насны эрэгтэй хүүхэд 50-100 мг-аар өдөрт 1 удаа 10 хоногийн турш ууна. Курс эмчилгээг 3 удаа 1-3 сарын завсарлагатай хийнэ.

Гаж нөлөө

Дотор муухайрах, гүйлгэх, толгой эргэх, нүдний хараа хэлбэлзэх шинж илэрч болзошгүй.

Хориглох заалт

Жирэмсэн, хавдартай хүмүүс, бүлэн (тромб) үүсэх эрсдэлтэй тохиолдолд хэрэглэхийг хориглоно.