ОПИБИОН (OPIBION)

Фармакологийн үйлдэл

Опибион нь аминдэм, эрдэс бодис агуулсан хүнсний нэмэлт бүтээгдэхүүн. Фолийн хүчил ба В12 аминдэм, төмрийн глюконат, зэсийн сульфат нь гемоглобин ба цусны улаан эсийн бүрэлдэн бий болоход оролцдог. Фолийн хүчил нь хүний бие махбодод тетрагидрофолийн хүчил болон ангижирч тэр нь төрөл бүрийн бодисийн солилцоо (метаболик процесс)-д коферментийн үүрэг гүйцэтгэнэ. Цус үүсэх мегабласт үеийг нормобласт үе рүү шилжүүлэхэд фолийн хүчил зайлшгүй хэрэгтэй болдог. В12 аминдэмтэй хамт улаан эсийн төлжилтийг (эритропоэз) идэвхжүүлнэ.

Мөн метионин, серин зэрэг аминхүчлийн нийлэгжилтэд оролцоно. Холины солилцоо, пурин, пиримидин, нуклеины хүчлийн нийлэгжилтэд нэн шаардлагатай. Жирэмсний үед хэрэглэхэд тератоген (ургийн гажиг үүсгэх) нөлөөлөөс хамгаална.

Хэрэглэх заалт

Жирэмсэн болон хөхүүл эхчүүд фолийн хүчлийн дутмагшилаас сэргийлэх, мөн цус багадалт, архаг гастроэнтерит, нарийн гэдэсний сүрьеэ, хүнс тэжээлийн дутмагшилын, сарын тэмдэгийн алдагдал, төрөл бүрийн эмчилгээний, цус алдалтын үед, мэс заслын дараа, пернициоз цус багадалтын үед тус тус хэрэглэнэ. Найрлагадаа цианокобаламин агуулсан тул удаан хэрэглэхэд гаж нөлөө байхгүй.

Хэрэглэх тун

Опибион нь жирэмсэн болон хөхүүл эхэд зайлшгүй шаардлагатай аминдэм юм. Зөөлөн бүрхүүлт эмийг өдөрт нэг удаа хоолны дараа ууна. Хүнсний нэмэлт тэжээл тул удаанхэрэглэхэд гаж нөлөөгүй.