ЛИВОЛА /LIVOLA/

Фармакологийн үйлдэл

Бие махбодын хордлого тайлах, цусан дахь азотын хэмжээг багасгах, элэг хамгаалах үйлдэлтэй бэлдмэл. Ливола нь бие махбодын хүчил шүлтийн тэнцвэрийг хэвийн болгох бөгөөд элэгний өвчний үед бие махбодод аммиакийн түвшин нэмэгдсэнийг бууруулдаг бэлдмэл юм. Мөн инсулины ялгарлыг нэмэгдүүлнэ.

Орнитин болон аспартатын хагас задралын хугацаа богино 0,3-0,4 цаг. Аспартатын зарим хэсэг нь шээсээр хувирахгүйгээр ялгарна.

Хэрэглэх заалт

• Уураг задарч цусны сийвэнд чөлөөт аммиак үүсэх, элэгний архаг болон цочмог үрэвсэлт өвчин, элэгний хатуурал, элэгний өөхлөлт, элэгний үрэвсэл, элэгний оврогт (комд) орохын өмнөх байдал, элэгний өвчин мэдрэлийн хүндрэл өгөх (элэгний шалтгаант энцефалопати)

• Архины хордлогоос үүссэн гепатоз, уургийн дутмагшилд орсон (парентераль тэжээл авч байгаа өвчтөн), элэгний эмгэгийн үед аммиакийн хэмжээг бууруулах зорилгоор хэрэглэнэ.

Хэрэглэх тун

Өдөрт 4 хүртэл тун шилийг хэрэглэх боломжтой. Ком-д орохын өмнө болон орсон үед өдөрт 8 тун шилийг өвчтөний байдлаас хамааран хэрэглэж болно. Ливолаг 0,9% NaCl –ын уусмалд уусган дуслаар хийх бөгөөд ихэнх дуслын уусмалд маш амархан уусдаг. 500 мл уусмал бүрт 6-аас ихгүй туншилийг уусган хэрэглэнэ. Хэрэв дотор муухайрах бөөлжис хүрвэл дуслын хурдыг тохируулан удаашруулах хэрэгтэй.

Хориглох заалт

Бөөрний дутмагшилтай өвчтөнд хэрэглэхгүй.

Гаж нөлөө

Цөөн тохиолдолд ходоод гэдэс хямрах, дотор муухайрах, бөөлжих үзэгдэл илэрч болно. Пенициллин, викасол, рифампицин, диазепам, андаксин, фенобарбиталтай үл нийцнэ.

Анхааруулга

Жирэмсэн болон хөхүүл эхэд болгоомжтой хэрэглэнэ. Ливолаг хэрэглэх үед машин техниктэй болгоомжтой ажиллах нь зүйтэй.