ЛАНМЕР (LANMER)

Карбапенемийн бүлгийн антибиотик

Өргөн хүрээний судсанд тарьдаг антибиотик

Нэг туншилд агуулагдах хэмжээ:…………………..Меропенем 1 гр

Тарилгын нэрмэл ус……………………………………………………..10мл

Ангилал: Антибиотик, нян вирусын эсрэг бэлдмэл

Фармакологийн үйлдэл

Меропенем нь карбапенемийн бүлгийн, хүний бөөрнөөс ялгардаг дегидропептидаза-1 (ДГП-1) ферментийн нөлөөгөөр задардаггүй, судсанд тарьж хэрэглэдэг өргөн хүрээний антибиотик. Имипенемаас давуу тал нь дегидропептидаза ферментийг дарангуйлагч циластатиныг хамт хэрэглэх шаардлагагүй, бөөр болон мэдрэлд өгөх гаж нөлөө бага.

Меропенем бүх бие махбодод өргөн тархдаг, амьсгалын замын эрхтэн, шээс бэлгийн замын эрхтэн, цөс, нугасны, хэвлийн болон, үрэвслийн шингэнд нэвтэрдэг хамгийн хүчтэй бөгөөд гаж нөлөө багатай антибиотик.

Меропенем дангаараа болон бусад антибиотиктой хавсран хэрэглэхэд хүүхэд болон насанд хүрэгсдийн олон төрлийн агаартан ба агааргүйтэн нянгаар үүсгэгдсэн халдварт өвчний эсрэг өндөр идэвхтэй нь тогтоогдсон. Меропенем нь ихэнх нянгийн эсийн бүрхүүлийн нийлэгжилтийг саатуулж нян устгах нөлөө үзүүлнэ. Нянгийн эсийн ханаар амархан нэвтрэн ордог, бүх төрлийн бета-лактамазад тэсвэртэй, пенициллин холбогч уурагтай аффин холбоо үүсгэдэг тул өргөн хүрээний грам эерэг болон грам сөрөг, агаартан болон агааргүйтэн нянгийн эсрэг хүчтэй нөлөөлнө. Меропенем нь дор дурдсан нянгийн эсрэг өндөр идэвхтэй.

Грам-эерэг агаартан нянгууд:

Bacillus spp., Corynebacterium diphtheriae, Enterococcus avium. Listeria monocytogenes, Nocardia asteroides, Staphylococcus lugdunensis, Streptococcus pneumoniae (пенициллинд тэсвэртэй), Streptococcus mitis, Pseudomonas аeruginosa, Acinetobacter spp гэх мэт.

Грам-сөрөг агаартан нянгууд: Aeromonas hydrophila, Aeromonas caviae, Alcaligenes faecalis, Bordetella bronchiseptica, Brucella melitensis, Campylobacter coli, Citrobacter diversus, Enterobacter (Pantoea) agglomerans, Enterobacter cloacae, Enterobacter sakazakii, Esherichia coli, Esherichia hermanni, Gardnerella vaginalis, Haemophilus influenzaе, Haemophilus parainfluenzae. Haemophilus ducreyi, Helicobacter pylori, Neisseria meningitidis, Neisseria gonorrhoeae (бета лактамаза ялгаруулдаг пенициллин болон спектиномицинд тэсвэртэй омогууд), Plesiomonas shigelloides, Pseudomonas flourescens, Serratia liquefaciens, Serratia rubidaea, Shigella dysenteriae зэрэг болно.

Агааргүйтэн нянгууд:

Bilophila wadsworthia, Bacteroides fragilis, Clostridium perfringens, Peptostreptococcus anaerobius, Peptostreptococcus magnus зэрэг болно.

Харин MRSA буюу метициллинд тэсвэртэй алтлаг стафилококк нь меропенемд тэсвэртэй болох нь ажиглагдсан.

Найрлага

Нэг туншилд агуулагдах хэмжээ:…………………..Меропенем 1 гр

Хэрэглэх заалт

Меропенемд мэдрэг нэг болон хэд хэдэн нянгаар үүсгэгдсэн, хүндэрсэн доорх халдварт өвчнөөр өвчилсөн хүүхэд болон насанд хүрэгсэд хэрэглэнэ.Үүнд:

Сэхээн амьдруулах болон эрчимт эмчилгээний тасагт хэвтэж байгаа өвчтөн
Эмнэлгийн тусламж үйлчилгээтэй холбоотой бага уушгины идээт үрэвсэл (буглаа, цээжний гялтангийн идээт үрэвсэл)
Цусан үжил
Шээсний замын халдварт өвчин
Хэвлийн хөндийн халдвар
Эмэгтэйчүүдийн халдварт өвчин (эндометрит болон аарцагийн хөндийн үрэвсэлт өвчин)
Арьс болон зөөлөн эдийн халдвар
Менингит
Нейтропени (мөхлөгт цагаан эсийн тоо цөөрсөн) халуунтай насанд хүрсэн өвчтөнд дангаар эсвэл вирус, мөөгөнцрийн эсрэг эмтэй хослуулан хэрэглэнэ.
Меропенемыг хүүхдийн практикт дангаар хэрэглэх нь олон антибиотикийг хавсран хэрэглэснээс гаж нөлөө багатай болох нь тогтоогдсон. (нэг антибиотикийн дагнасан эмчилгээ )
Нойр булчирхайн халдварын өвчний үед гол үүсгэгч нь Escherichia coli (17-36 %), Klebsiella pneumonia (5-24 %), хөх идээрүүлэгч савханцар (11-16 %), стафилококк (10-15 %), мөөгөнцөр (5-37 %) байдаг бөгөөд эдгээр нянгийн эсрэг өндөр идэвхтэй тул нойр булчирхайн халдварын өвчинд өргөн хэрэглэдэг талаар эрдэм шижилгээний өгүүлэлүүдэд хэвлэгдсэн байна.

Хэрэглэх тун

Насанд хүрэгсэд: Тун хэмжээ болон эмчилгээний үргэлжлэх хугацааг өвчтний биеийн байдал, халдварын хэлбэр, өвчний явц зэргээс хамааран тогтооно. Уушгины үрэвсэл, шээсний замын өвчин, эмэгтэйчүүдийн өвчин (эндометрит, бага аарцгийн хөндийн үрэвсэлт өвчин), арьс болон зөөлөн эдийн үрэвсэлт өвчний үед 500 мг-аар 8 цагийн зайтай судсанд тарина.
Эмнэлгийн тусламж үйлчилгээтэй холбоотой уушгины үрэвсэл, нянгийн үжил, цусны цагаан эс цөөрсөн өвчтөнд 1 гр-аар 8 цагийн зайтай судсанд тарина.
Менингитийг эмчлэхэд 2 гр-аар 8 цагийн зайтай судсанд тарина.

Нойр булчирхайн үрэвслийг эмчлэхэд меропенем өндөр үр дүнтэй нь батлагдсан байна. Нойр булчирхайн үрэвсэлийн үед бага тунгаар дуслаар хэрэглэхэд илүү үр дүнтэй болохыг зарим судлаач тогтоожээ. 500 мг меропенемыг 3 цагийн турш дуслаар өдөрт 3 удаа хийхэд, 1 гр меропенемыг 30 минутын турш дуслаар өдөрт 3 удаа тарьсантай ижил үр дүнтэй байгааг М.Н.Зубков тогтоосон байна.

Бөөрний үйл ажиллагаа муудсан тохиолдолд дор дурдсан байдлаар тунг тооцно.

51 мл/мин-аас бага креатинины клиренстэй өвчтөнд:

Креатинины клиренс

Тун хэмжээ (1 гр-ийг нэг тун гэж тооцсон)

Давтамж

26-50

10-25

<10

Нэг бүтэн тун (1 гр)

Нэг бүтэн ба хагас тун (1,5 гр)

Нэг бүтэн ба хагас тун( 1,5 гр)

12 цагийн зайтай

24 цагийн зайтай

Хэрэглэх арга

Меропенемийг судсанд тарихдаа тарилгын нэрмэл усаар 5 мл-т 250 мг меропенем байхаар тооцож найруулан 5 минутын турш болюсаар тарьж болно. Эсвэл дуслын шингэнээр найруулан 15-30 минутын турш дусааж тарина. Найруулсан уусмал нь цэвэр, өнгөгүй эсвэл бүдэг шар өнгөтэй байна.

Япон, Турк, ОХУ зэрэг олон улсад хийсэн судалгаагаар дутуу төрсөн нярай хүүхдийн практикт хоногт 15-20 мг/кг-аар тооцон цусан үжил, менингит, уушгины үрэвсэл, хэвлийн гялтангийн үрэвсэл-(перитонит) зэрэг хүнд өвчнүүдэд хэрэглэхэд өндөр идэвхтэй бөгөөд аюулгүй нь тогтоогдсон.

Меропенемын тарилгын уусмалын тогтвортой байх хугацаа

	Тогтвортой хугацаа (цагаар)
Уусгагч	25°С-ээс дээш тасалгааны хэмд	4°С-ийн хөргөгчинд
Тарилгын нэрмэл ус	8	48
0,9 % натрийн хлоридын уусмал	8	48
5 % глюкозын уусмал	3	14
5 % глюкозын ба 0,9 % натрийн хлоридын уусмал	3	14
5 % глюкозын ба 0,15 % калийн хлоридын уусмал	3	14
2,5 % эсвэл 10 % маннитолын тарилгын уусмал	3	14
10 % глюкозын уусмал	2	8
5 % глюкозын ба 0,02 % натрийн бикорбонатын тарилгын уусмал	2	8