КЛАРИД (KLARID)

Макролидын бүлгийн антибиотик

Кларитромицин USP ………………………250 мг № 30 шахмал

Америкийн Фармакопейн шаардлага хангасан түүхий эдээр үйлдвэрлэсэн

Ангилал: Антибиотик, нян вирусын эсрэг бэлдмэл

Фармакологийн үйлдэл

Кларитромицин нянгийн эсрэг өргөн хүрээний үйлчилгээтэй антибиотик бөгөөд агаартан, грам эерэг нян стрептококкууд (S.Pneumoniae, S.Pyogenes), стафилококкууд (MRSA-аас бусад бүх), Listeria spp, грам сөрөг нянгууд, (M.catarrhalis, H.pylori, N.Meningitidis) агааргүйтэн болон бусад факультатив эд эсийн бичил биетүүдийн эсрэг болон хламид, микоплазм, легионелл, кампилобактерийн эсрэг өндөр идэвхтэй.

Кларитромицин нь макролидын бүлгийн бусад антибиотикуудаас стрептококк, стафилококк, хламид, хеликобактер болон микобактерийг устгах нөлөөгөөр илүү сайн. Мөн үрэвслийн эсрэг болон дархлаа идэвхжүүлэх нөлөөтэй.

Найрлага

Кларитромицин USP ………………………250 мг № 30 шахмал

Америкийн Фармакопейн шаардлага хангасан түүхий эдээр үйлдвэрлэсэн

Хэрэглэх заалт

Амьсгалын дээд замын өвчин – гүйлсэн булчирхайн архаг үрэвсэл, хамрын дайвар хөндийн үрэвсэл, залгиурын үрэвсэл
Амьсгалын доод замын өвчин – уушгины үрэвсэл, цочмог болон гүйлсэн булчирхайн архаг үрэвслийн хүндрэл
Эмэгтэйчүүдийн халдварт өвчин
Арьсны өвчин – фолликулит, импетиго, хатиг
Шээс бэлгийн замын халдвар – Chlamydia trichomatis, Ureaplasma urealyticum зэрэг нянгаар үүссэн уретрит, хламидоз, микоплазмоз
Mycobactericum avicum-аар үүсгэгдсэн халдварт өвчин
Ходоод, дээд гэдэсний шархлаа өвчин, цочмог гастрит зэрэг хеликобактер илэрсэн ходоодны өвчин, ходоодны шархлаа
Амны хөндийн эмгэгт өргөн хэрэглэдэг.

Helicobacter pylori-ийг эмчлэхэд хамгийн өргөн хэрэглэж байна. Ходоодны хеликобактерийг эмчлэх ОХУ-ын стандартад омепразол 20 мг өдөрт 2 удаа өглөө, оройд, кларитромицин 250 мг өдөрт 2 удаа, трогил 500 мг өдөрт 2 удаа 10 хоногийн турш уухаар заасан байна.

Хеликобактер устгах эмчилгээний олон схемээс

кларид(кларитромицин) 250 мг х 2, денол 240 мг х 2, трогил нетрон 500 мг х 2 удаа 10 хоног уух схем мөн кларид (кларитромицин) 250 мг х 2 удаа, виамокс (амоксициллин) 500 мг х 3 удаа, золланд (омепразол) 20 мг х 2 удаа өглөө 8, орой 20 цагт, трогил (метронидазол) 500мг х 2 удаа 10 хоног уух энэ 2 схем нь харьцуулсан олон судалгаанаас 95% эдгэрэлттэй хамгийн үр дүн сайтай эмчилгээ болохоо харуулсан байна.

Хэрэглэх тун

Насанд хүрэгсэд болон 12-оос дээш насны хүүхдэд 250 мг-аар өдөрт 2 удаа, хүнд өвчний үед 500 мг-аар өдөрт 2 удаа 7-14 хоногийн турш ууна. Зажлахгүйгээр бага хэмжээний усаар даруулан ууна.
6 сараас 12 нас хүртэлх хүүхдийн хоногийн дээд тун 600 мг.

Анхааруулга

Бөөрний дутмагшилтай өвчтөнд тунг багасгах шаардлагатай.
Жирэмсэн болон хөхүүл эхэд хэрэглэхгүй
6 сараас доош насны нярайд хэрэглэхгүй. Мөн хлорамфеникол, терфенадин эмтэй хамт хэрэглэхгүй.