КАЛЬФОКСИМ (KALFOXIM)

Цефалоспорины бүлгийн III үеийн антибиотик

Нэг тун шилд агуулагдах хэмжээ:………………..Цефотаксим ВР 1 гр

Тарилгын нэрмэл ус…………………………………………………………4 мл

Энэхүү антибиотик онцгой цэвэршилттэй учраас судсанд болон булчинд тарина. Кальфоксим тариаг дэлхийн олон оронд (Малайз, Сингапур, Хонконг) экспортолдог өндөр идэвхтэй бэлдмэл бөгөөд эмчилгээний идэвхээр Францын клафорантай дүйцэхүйц болох нь эмчилгээний практикт тогтоогдсон.

Ангилал: Антибиотик, нян вирусын эсрэг бэлдмэл

Фармакологийн үйлдэл

Цефалоспорины бүлгийн III үеийн антибиотик. Кальфоксим нь грам сөрөг нянгууд N.gonorrhoeae, N.meningitidis, H.Influenzae, M.Catarrhalis, Enterobacteriaceae (E.coli, Proteus spp., Shigella spp, Salmonella spp, Klebsiella spp., Citrobacter) болон грам эерэг стрептококк, пневмококкийн эсрэг өндөр идэвхтэй. Стафиллококкийн эсрэг дунд зэргийн нөлөөтэй ба оксациллинд мэдрэг бус стафиллококк, энтерококк, Рseudomonas зэрэгт бага нөлөөлдөг.

Бичил биетний эд эсийн бүрхүүлийн нийлэгжилтийг гэмтээж нянг устгадаг. Бета-лактамазын нөлөөгөөр задардаггүй. Булчинд тарихад цусан дахь концентрац нь 30 минутын дараа дээд хэмжээндээ хүрнэ. Цусан дахь нянг устгах концентрац 12 цаг ба түүнээс илүү хугацаагаар хадгалагдана.

Найрлага

Нэг тун шилд агуулагдах хэмжээ:………………..Цефотаксим ВР 1 гр

Тарилгын нэрмэл ус…………………………………………………………4 мл

Хэрэглэх заалт

Амьсгалын дээд ба доод замын халдварт өвчин
Шээс бэлгийн замын халдварт өвчин – заг хүйтэн
Перитонит (клиндамицин эсвэл метронидазолтой хавсарч)
Идээт менингит
Септицеми
Арьс болон зөөлөн эдийн идээт өвчин
Мэс заслын дараах идээт үрэвслээс сэргийлэх зорилгоор тарина.

Дутуу төрсөн нярай болон хүүхдэд хэрэглэх тун

Эхний 7 хоногтой нярайд хэрэглэх хоногийн тун нь 50-100 мг/кг жинд тооцон 12 цагийн зайтай тарина.
1-4 долоо хоногтой нярайд хоногийн тунг 75-150 мг/кг жинд тооцон 8 цагийн зайтай тарина.
50 кг-аас бага жинтэй хүүхдэд хоногийн тунг 50-100 мг/кг жинд тооцон 6-8 цагийн зайтай булчинд эсвэл судсанд тарина, өвчтөнд өдөрт 1-2 гр-аар тарина. Хүнд өвчин тухайлбал менингитын үед хоногийн тунг 2 дахин ихэсгэж болно.
50 кг-аас их жинтэй хүүхдэд том хүний тунгаар тарина.

Халдвараас сэргийлэх зорилгоор мэс заслын өмнө 1 гр-ыг судсанд эсвэл булчинд мэдээгүйжүүлэлгийн өмнө тарьж, хагалгаанаас 6-12 цагийн дараа дахин тарина.

Кесарево хагалгааны үед хүйн венийн судсанд зажим тавихын өмнө 1 гр-ийг судсанд тарьж дахин 6-12 цагийн дараа кальфоксимыг эхэд тарина. Судсанд тарихдаа 1 гр нунтагийг 4 мл тарианы нэрмэл усанд найруулан тарина.

Булчинд тарихдаа 2 мл тарианы усанд 2 %-2 мл лидокайн нэмж найруулан тарина.

Менингит зэрэг хүнд өвчний үед 2 гр кальфоксимыг 0,9 %-100 мл натри хлоридын уусмалд найруулан дуслаар тарина. Тарианы нэрмэл ус болон 1 % лидокайны уусмалд найруулан бэлдсэн кальфоксимыг тасалгааны хэмд 8 цагийн турш, хөргөгчид 24 цагийн турш хадгалахад тогтвортой байх бөгөөд шар туяатай болсон ч идэвхээ алдахгүй.

Хэрэглэх тун

Дунд зэргийн, хүндрэлгүй халдварт өвчний үед 1-2 гр-аар судсанд эсвэл булчинд 8-12 цагийн зайтай тарина. Хоногийн дээд тун 6 гр.
Хүндэрсэн халдварын үед 2 гр-аар судсанд 6-8 цагийн зайтай тарина. Хоногийн дээд тун 8 гр.

Бөөрний үйл ажиллагаа буурсан өвчтөнд бөөрний түүдгэнцрийн шүүлтийн хурд 10 мл/мин байгаа үед нэг удаагийн тунг 2 дахин багасгаж тарина. Гемодиализд орсон өвчтөнд өдөрт 1-2 гр тарина. Диализд орсон өдөр диализийн үйл ажиллагааг дууссаны дараа хийнэ.