ВОМЕТРОН (VOMETRON)

Бөөлжилтийн эсрэг бэлдмэл

Найрлага:
Ондансетрон………………8 мг, №100 шахмал

Найрлага

Ондансетрон………………8 мг, №100 шахмал

Фармакологийн үйлдэл

Төвийн болон захын серотонины хүлээн авуур (5-НТ3) хориг үүсгэх замаар бөөлжилтийг зогсоох буюу бөөлжилтөөс сэргийлэхэд хэрэглэнэ. Төвийн болон захын мэдрэлийн тогтолцооны нейроны түвшинд бөөлжилтийн хүлээн авуурыг дарангуйлна.

Хэрэглэх заалт

Хорт хавдрын хими болон туяа эмчилгээний үед үүсэх бөөлжилтөөс сэргийлэх, зогсоох зорилгоор хэрэглэнэ. Мэс заслын
дараа бөөлжих, дотор муухайрахаас сэргийлэхэд ашиглана.

Хэрэглэх тун

• Насанд хүрэгсэд ондансетроныг химийн буюу туяа эмчилгээ хийлгэхээс 1-2 цагийн өмнө уулгана. Дараа нь 12 цагийн зайтай давтан хэрэглэх бөгөөд цаашид шахмалыг 8 мг-аар хоногт 3 удаа эмчилгээ эхэлснээс хойш 5 хоног хэрэглэнэ.
• Бөөлжилтөөс урьдчилан сэргийлэхэд 4 мг шахмалыг хоногт 2 удаа хэрэглэнэ.
• Хүүхдэд химийн эмчилгээ эхлэхийн өмнө судсанд 1 удаа тарьж дараа нь 4 мг ондансетроныг 12 цагийн зайтай уулгана. Химийн эмчилгээ дууссаны дараа 5 хоногийн турш 4 мг-аар өдөрт 2 удаа ууна. Шахмалыг хэрэглэхийн өмнө блистер савлалтаас гаргаж хэлэн дээрээ тавьж уусаны дараа залгина.

Гаж нөлөө

Ондансетроныг хэрэглэж байхад толгой өвдөх, өтгөн хатах, арьсаар харшлын тууралт гарах зэрэг гаж нөлөө илэрч болзошгүй. Тариаг тун шилэнд өөр эмтэй холихыг хориглоно.

Хориглох заалт

Бэлдмэлд хэт мэдрэг хүмүүс болон жирэмсний эхний 3 сард хэрэглэхгүй.