ВИЗИН (VISINE)

Фармакологийн үйлдэл

Симпатомиметик үйлчилгээтэй. Судас нарийсгах үйлчилгээ нь хэдэн минутын дараа илэрч удаан хугацаанд хадгалагдана.

Хэрэглэх заалт

Нүдний үрэвсэл, улайх, загатнах, хавдах, хорсох, нулимс гоожих, контакт линз зүүх, тоос, косметик, хлортой усанд сэлэх зэрэг янз бүрийн шалтгаанаар нүд улайхад хэрэглэнэ.

Мөн харшлын шалтгаантай нүдний салстын үрэвсэл (конъюктивит) эмчлэх. Хамар хоолойн салст бүрхэвч хавагнаж, хамар битүүрэхэд хэрэглэнэ.

Хэрэглэх тун

• Нүдний салстын өвчинд 1-2 дуслыг өдөрт 2-3 удаа дусаана.
• Хамар хоолойн өвчинд насанд хүрсэн хүмүүс болон 6 наснаас дээш хүүхдэд хамарт нь 2-4 дусал дусаана.
• 2-6 насны хүүхдэд 2-3 дуслыг 3-аас илүү цагийн зайтай дусаана.

Гаж нөлөө

Удаан хэрэглэхэд нүдний даралт ихсэх, хүүхэн хараа томрох тул нүдний даралттай хүмүүс, 3-аас доош насны хүүхдэд хэрэглэж болохгүй.