МАТАФРЕШ (MATAFRES)

Фармакологийн үйлдэл

Нулимс ялгаруулалт багассан, нүдний эвэрлэг бүрхүүлийн эмгэгийн улмаас нүд хуурайшдаг. Энэ үед нүд аргах, нүдний хэвийн байдал алдагдах, нулимсан давхаргын өөрчлөлт зэрэг шинж тэмдгүүд үүсдэг. Ингэснээр нулимсан давхаргын, осмо-даралт ихсэж нүдний бүрхүүлийн үрэвсэл үүсдэг. Нулимсан давхарга нь муцин, усан, липидэн гэсэн үндсэн 3 давхаргаас тогтдог.

Натрийн гиалуронат нь дараах үйлдэлтэй.
• Нүдний эвэрлэг бүрхүүлд амархан тархдаг.
• Мукоадгезив ба мукомиметик үйлдэлтэй.
• Усыг хадгалах шинжтэй (ус татах, ус шингээх) Натрийн гиалуронат нь их хэмжээний усыг хадгалж усны  ууршилтыг багасгаж хамгаалж нүдний чийглэг байдлыг нэмэгдүүлдэг.
• Антиоксидант үйлдэлтэй. Нүдний эсийг исэлдлийн бүтээгдэхүүн болох чөлөөт радикалаас хамгаална.
• Үрэвсэл улайлтын эсрэг эмчилгээний үйлдэлтэй.

Бусад хиймэл нулимс нь

• Ихэнх хиймэл нулимс нь тогтворжуулагч натри карбоксиметилцеллюзаг эсвэл бензалконий хлорид агуулдаг.
• Тогтворжуулагч нь нүдний салстын үрэвсэл, нулимс гоожих, нүдний эвэрлэг бүрхүүл зузаарах, нүдний салстын харшил зэрэг гаж нөлөөтэй байдаг.
• Удаан хугацаагаар олон давтан хэрэглэх тохиолдолд тогтворжуулагч агуулаагүй хиймэл нулимс хэрэглэх хэрэгтэй.

Давуу тал

• Матафреш нь тогворжуулагч агуулаагүй тул удаан хугацаагаар хэрэглэхэд аюулгүй.
• Хэрэглэхэд тохиромжтой, нүд бүрэлзэхгүй, бага хэмжээгээр савлагдсан тул ариун чанараа алдахгүй.
• ДЭМБ-ын зөвлөмжөөр нүдний дусаалга нь тарилгын шингэншиг ариун байх шаардлагатай тул 1-2 удаагийн хэрэглээгээр савлахыг зөвлөж байна.

Хэрэглэх заалт

• Нүд цочирсон үед
• Нүд аргаж хорсох үед
• Нүд хуурайшиж ядарсан үед чийглэх зорилгоор
• Контакт линз зүүсэн үед, мөн линз удаан зүүснээс болж нүд цочирч улайх, аргах үед хэрэглэнэ.

Хэрэглэх тун

Матафрешийг өдрийн аль ч үед хэрэглэж болно. Өдөрт 1-2 дуслаар дусаана. Өдөрт нэг виалыг хэрэглэснээр ариун уусмалыг нүдэнд дусааж нүдэнд халдвар орохоос сэргийлнэ.