ВАЛЕПТИК СИРОП (VALEPTIK)

Зайлшгүй шаардлагатай эмийн жагсаалт болон ЭМД-аар үнийн хөнгөлөлт эдлэх эмийн жагсаалтанд орсон эм

Найрлага :
Вальпроны хүчилтэй эквивалент вальпроны хүчлийн
натрийн давс……………………..250 мг/ 5 мл
100 мл сироп

Ангилал: Уураг тархины үйл ажиллагааг сэргээх эм бэлдмэл

Найрлага

Вальпроны хүчилтэй эквивалент вальпроны хүчлийн натрийн давс……………………..250 мг/ 5 мл
100 мл сироп

Сүүлийн 20 жилийн судалгаагаар вальпроны хүчлийн натрийн давс нь уналт таталт, эпилепсийн эмчилгээний хамгийн үр дүнтэй эм болох нь батлагдаад байна. 100 гаруй жилийн өмнө вальпроны хүчлийг гаргаж авсан бөгөөд түүнийг органик уусгагч болгон ашиглаж байгаад өнгөрсөн зууны 60-аад оны үед түүний уналт таталтын эсрэг үйлчилгээг илрүүлж депакин эмийг гаргаж авсан байна.

Фармакологийн үйлдэл

Вальпроны хүчлийн эмчилгээний механизм буюу гол үйлдэл нь:
• Гамма амино тосны хүчлийг дарангуйлагч ГАТХ-трансаминаза ферментыг дарангуйлснаар, уураг тархи болон төв мэдрэлийн систем дэх ГАТХ-ийн түвшинг нэмэгдүүлж, уураг тархины нейронуудын сэрэмтгий чанарыг багасгана.
• ГАТХ-нь синапсын өмнө болон дараах цэнэглэлтэд саатал үүсгэж уналт таталтыг багасгана.
• Дараагийн үйлдэл нь вальпроны хүчил синапсын дараах хүлээн авуур болох ГАТХ-А-хүлээн авуурт үйлчилж, ГАТХ нөлөө ихэсдэг потенциал хамаарал бүхий натрийн сувгаар үйлчилж мембраны идэвхид нөлөөлж, калийн ионы нэвтрэх чадварыг өөрчилдөг гэж үздэг.

Вальпроны хүчлийн натрийн давс мөн сэтгэл санааг тайвшируулах, санааг сэргээх, сэтгэл засах үйлчилгээтэй.

Хэрэглэх заалт

Эпилепсийн бүх хэлбэрт валептик эмийг хэрэглэх заалттай (абсенс-petit mal, grand mal, парциал, фокал, полиморф)

Тун хэмжээ

Бэлдмэлийг хоолтой хамт эсвэл хооллож дуусмагц ууна, эхлээд бага тунгаар өдөрт 15мг/кг уугаад дараа нь 1-2 долоо хоногийн турш өдөрт 5-10мг/кг нэмж өгнө.
Бэлдмэлийн хоногийн дээд тун өдөрт : 60мг/кг. Хэрэв өдрийн нийт тун 250мг болвол тунг 2 тэнцүү хуваан хэрэглэнэ.

Хориглох заалт

• Вальпроны хүчилд хэт мэдрэг өвчтөнд
• Цочмог болон архаг гепатит, элэгний болон нойр булчирхайн өвчний хурц үед хэрэглэхгүй.
• Порфири
• Геморрагийн диатез

Гаж нөлөө

• Дотор муухайрах, ходоод өвдөх (эмчилгээний эхэнд), хоолны дуршил нэмэгдэж таргалах зэрэг гаж нөлөө илэрч болзошгүй тул хоолтой хамт хэрэглэснээр эдгээрийг багасгаж болно.
• Удаан хэрэглэхэд сарын тэмдэг хямрах, үс унах, гар бага зэрэг чичрэх, нойрмоглох
• Элэг болон нойр булчирхайн үйл ажиллагаа хямрах,
• Сонсгол муудах, бөөрний үйл ажиллагаа түр хугацаагаар хямрах зэрэг гаж нөлөө илэрч болно.

Анхааруулга

Валептик эмийг дангаар нь болон бусад уналт таталтын эсрэг эмтэй хавсарч хэрэглэж болно. Фенитоин, ламотриджин, антидепрессант зэрэг бусад эмийн үйлчилгээг нэмэгдүүлдэг тул тунг нь багасгах хэрэгтэй.Таталтын эсрэг бусад эм хэрэглэж байгаа өвчтөнд вальпроны хүчлийн эмчилгээг ойролцоогоор 2 долоо хоногийн дараа эмнэлзүйн үр дүнд хүрэхээр тооцон аажим эхэлнэ. Дараа нь бусад эмийг аажим хасна. Таталтын бусад эм хэрэглэж байгаагүй өвчтөнд вальпроны хүчлийн тунг 1 долоо хоногийн дараа эмчилгээний үр дүнтэй тунд хүргэхээр тооцон 2-3 өдрийн зайтай, тунг аажим ихэсгэнэ. Уг эм нь сироп хэлбэртэй тул хүүхэд хэрэглэхэд нэн тохиромжтой үнийн хувьд хамгийн хямд, эрүүл мэндийн даатгалд орсон эм юм.