АСМЕФ (ASMEF)

Фармакологийн үйлдэл

Мефенамины хүчил нь дааврын бус үрэвслийн эсрэг эм бөгөөд циклооксигеназад хориг үүсгэснээр простагландины
нийлэгжилтийг саатуулж өвчин намдаах, үрэвслийн эсрэг, халуун бууруулах үйлдэл үзүүлдэг. Анальгин гаж нөлөө ихтэй тул олон орны эмчилгээний практикаас хасагдаад байна. Харин асмефыг өвчин намдаах зорилгоор хэрэглэх нь нэмэгдэж байна.

Хэрэглэх заалт

• Цочмог үеийн хэрлэг, ревматоид артрит, халдварын полиартрит, артралги, невралги
• Халдвар–харшлын миокардит, ханиад, томуу, парадонтит,
• Толгой өвдөх, шүд өвдөх
• Дисминорея, сарын тэмдэгийн өвдөлтийг намдаах
• Гэмтлийн дараах өвдөлтийг багасгах, булчингийн өвдөлт
• Мэс заслын дараах өвдөлтийг намдаах зэрэгт хэрэглэнэ.

Тун хэмжээ

• Насанд хүрэгсэд ба 14-өөс дээш насны хүмүүст 500 мг-аар өдөрт 4 удаа 6 цагийн зайтай хоолны дараа эсвэл сүүгээр
даруулж ууна. Шаардлагатай үед өдөрт 3 г хүртэл тунг нэмэгдүүлж болно. Эмчилгээний үр дүн гармагц аажмаар тунг
бууруулж хоногт 1 г болгоно.

• 5-10 насны хүүхэд 250 мг-аар өдөрт 3-4 удаа ууна. Курс эмчилгээ 20-45 хоног шаардлагатай үед 2 сар хэрэглэнэ.

Хориглох заалт

Мефенамины хүчилд хэт мэдрэг хүнд, ходоод дээд гэдэсний шархлаатай өвчтөнд болон цус төлжүүлэх эрхтний эмгэгтэй өвчтөнд хэрэглэхгүй.

Гаж нөлөө

Дотор муухайрах, бөөлжис хүрэх, суулгах, хэвлийгээр өвдөх, цагаан эсийн тоо цөөрөх, ялтас эс багасах үзэгдэл илэрч болзошгүй.