КАРДИВ (CARDIV)

Фармакологийн үйлдэл

Никардипин нь дигидропиридины бүлгийн кальцийн антагонист ба зүрхний эсүүдээс илүү судасны гөлгөр булчинд сонгомол нөлөөтэй. Нийт судасны эсэргүүцлийг бууруулна. Титэм судасыг хүчтэй тэлэх боловч вены судасыг тэлэхгүй. Синусийн зангилаа СА дамжуулалтад нөлөөлөхгүй тул зүрхэнд хоруу нөлөөгүй. Гавлын дотоод даралтыг ихэсгэхгүй. Судасны эсэргүүцлийг бууруулж зүрхний үйлийг нөөцлөн зүрхний шахалтыг ихэсгэнэ. Үйлдэл эхлэх хугацаа 5-10минутад эхэлж 1-4 цаг үргэлжилнэ. Уурагтай холбогдолт 95% байна.

Европын холбооны 2007 оны гипертензийн кризийн үеийн даралт бууруулах эмчилгээний удирдамжид зааснаар никардипинийг дараах өвчинд хэрэглэнэ.

• Уушгины цочмог хаван (агшилтын үйл алдагдах)
• Даралтын энцефалопати
• Гол судасны хурц хуулрал(диссекшн)
• Эклампси, преэклампси(манас таталт)
• Бөөрний хурц дутмагшил /хялгасан судасны хямралаас үүдэлтэй цус багадалт
• Симпатик криз (кокайны тун хэтрэлд)
• Өнчин тархины урд хэсгийн дутуу хөгжил
• Тархины цус харвалтын үед хэрэглэнэ.

Хэрэглэх заалт

• Мэс заслын үеийн хойшлуулшгүй эмчилгээт даралт ихсэлт, кризийн үеийн яаралтай даралт бууруулах эмчилгээнд
• Нэн яаралтай эмчилгээт гипертензи
• Эклампси, преэклампси

Хэрэглэх тун

• Кардив тариаг 0,9% натрийн хлорид уусмал, глюкозын 5% эсвэл Рингер ацетатын уусмалд уусгаж болно.
• Натрийн бикарбонат ба Рингер лактатын уусмалд кардивыг хольж болохгүй.

Хориглох заалт

Уг эмэнд хэт мэдрэг өвчтөнд хэрэглэхгүй.

Харилцан үйлдэл

Кардивыг дараах эмтэй хамт хэрэглэхэд болгоомжтой хэрэглэнэ: HIV-протеаза хориглогч (Saquinavir, Ritonavir), бусад даралт бууруулах эм, бетаблокатор, фентанил, циметидин.

Гаж нөлөө

Дотор муухайрах, бөөлжих, толгой өвдөх.