РЕКҮШТЕИН (RECUSTEIN)

Ацетилцистеины бүлгийн цэр ховхлох эм

Нэг шахмалд агуулагдах хэмжээ:……………….Эрдоштейн 300 мг №20

5 мл сиропод агуулагдах хэмжээ:……………….Эрдоштейн 175 мг 60 мл фл

Ангилал: Цэр ховхлох, ханиалга намдаах эм бэлдмэл

Фармакологийн үйлдэл

Эрдоштейн амьсгалын мөгөөрсөн хоолой дахь цэрийг шингэлнэ. Муколитик буюу цэр ховхлох, шингэлэх үйлдэлтэй бөгөөд түүний молекулд агуулагдах сульфогидриль бүлгүүд нь цэрний мукополисахаридын хүчиллэг дисульфид холбоосуудыг тасалж өтгөн идээтэй цэрийг шингэлж гадагшлуулдаг. Мөн эластаза энзимын идэвхийг сайжруулна.

Фармакологийн судалгааны үр дүнд эрдоштейн өөрөө ийм үйлдэлгүй боловч бодисын солилцооны дүнд химийн –SH бүлэгт байх идэвхтэй метаболитууд болж хувирдаг. Энэ метаболитууд–SH бүлгийг эвдэн цэр ховхлон, шингэлж гадагшлуулна.

Эрдоштейн нь бодисын солилцоонд түргэн задарч чөлөөт туйлт бүлгүүдийг агуулсан 3-аас доошгүй метаболит Н-тиогликолил-гомоцистейн (метаболит-1), Н-ацетил-гомоцистеин (метаболит-2), Гомоцистейн (метаболит-3) болдог. Эрдоштейн уусны дараа түргэн шимэгдэж, 1 шахмалыг ууснаас хойш 1,2 цагийн дараа цусны сийвэн дэх дээд хэмжээнд хүрнэ. Эрдоштейн нь муколитик үйлдлээс гадна нянгийн эсрэг, үрэвслийн эсрэг болон антиоксидант нөлөөтэй.

Найрлага

Нэг шахмалд агуулагдах хэмжээ:……………….Эрдоштейн 300 мг №20

5 мл сиропод агуулагдах хэмжээ:……………….Эрдоштейн 175 мг 60 мл фл

Хэрэглэх заалт

Амьсгалын замын цочмог ба архаг үрэвслийн үед, ховхрохгүй өтгөн идээт цэр бүхий амьсгалын замын өвчинд хэрэглэнэ. Үүнд:

Цочмог ба архаг мөгөөрсөн хоолойн үрэвсэл, гуурсан хоолойн бөглөрөл (обструктив бронхит)
Уушгины үрэвсэл
Уушгины архаг бөглөрөлт
Бронхоэктази
Гуурсан хоолойн үрэвсэл, багтраа
Бронхиолит
Ларингит
Дунд чихний архаг ба цочмог үрэвсэл
Дунд чихний үрэвсэл

Хэрэглэх тун

Нэг шахмалаар өдөрт 2–3 удаа ууна. Уушгины архаг бөглөрөл өвчний үед 12 долоо хоног хүртэл ууна.

Сироп: Хүүхдэд: 15-19 кг жинтэй: бол сиропыг 5 мл-ээр өдөрт 2 удаа, 20-30 кг жинтэй: бол 5 мл-ээр өдөрт 3 удаа, 30 кг дээш жинтэй хүүхэд болон насанд хүрэгсэд 10 мл-ээр өдөрт 2 удаа уулгана. Сиропыг 46 мл усаар найруулахад 60 мл суспенз болно. Сиропыг задалсанаас хойш хөргөгчид (2-8°С) дээд тал нь 7 хоног хадгална.