МИКСАГРИП (MIXAGRIP)

Ханиад томуу, харшлын ринит эмчлэх эм

Нэг шахмалд агуулагдах хэмжээ:

Парацетамол……………………………500 мг

Фенилпропаноламин HCI……………15 мг

Хлорфенирамин малеат………………2 мг № 4 х 25

Ангилал: Цэр ховхлох, ханиалга намдаах эм бэлдмэл

Фармакологийн үйлдэл

Миксагрип эм манай орны эмчилгээний практикт хэрэглэгдээд 20 жил болж байгаа бөгөөд ханиад, томуу, харшлын эсрэг хамгийн өндөр идэвхтэй эм гэдэг нь батлагдсаар байна. Жилийн өмнө өрсөлдөгч компани фенилпропаноламиныг хассан мэтээр сошиалаар цуурсан. Энэ бол үндэслэлгүй мэдээлэл юм.

ДЭМБ-ын “Зайлшгүй шаардлагатай эмийн жагсаалтад” фенилпропаноламинтай ханиадны эмийг, түүнтэй төстэй эмийг хүний эмчилгээнд хэрэглэсээр байгаа билээ.

Монгол улсын ЭМЯ-ны Хүний эмийн салбар зөвлөл хэлэлцэн фенилпропаноламиныг ханиадны эмэнд 60 мг тунгаас хэтрэхгүй байвал жоргүйгээр олгож байхаар шийдвэрлэсэн билээ.

Миксагрипыг хэрэглэсэн энэ олон жилийн хугацаанд хэрэглэгчдээс нэг ч удаа гомдол гарч байгаагүй. Миксагрип гурван найрлагатай бөгөөд парацетамол нь өвчин намдаах, халуун бууруулах үйлчилгээтэй.

Фенилпропаноламин HCI нь амьсгалын замын салстын альфа-адрено хүлээн авуурт нөлөөлж хамар битүүрэх, хамраас нус гоожихыг багасгана.

Хлорфенирамин малеат нь гистамины эсрэг нөлөөтэй тул харшлын эсрэг эм бөгөөд, нулимс гоожих, хамар нүд загатнахыг багасгана.

Найрлага

Нэг шахмалд агуулагдах хэмжээ:

Парацетамол……………………………500 мг

Фенилпропаноламин HCI……………15 мг

Хлорфенирамин малеат………………2 мг № 4 х 25

Хэрэглэх заалт

Миксагрип бол ханиад, томууны эсрэг эм бөгөөд ханиах, халуурах, найтаах, хамар битүүрэх, нус гоожих, булчин өвдөх, толгой өвдөх зэрэгт хэрэглэнэ. Мөн харшлаас үүссэн хамар битүүрэх, нулимс гоожих зэрэгт ууна.

Хэрэглэх тун

–Насанд хүрэгсэд 1-2 шахмалыг өдөрт 3 удаа хэрэглэнэ.

–6-12 насны хүүхэд хагас шахмалыг өдөрт 3 удаа хэрэглэнэ.

Анхааруулга

Даралт ихтэй, нүдний даралттай хүмүүс, зургаагаас доош насны хүүхэд, жирэмсэн, хөхүүл эхчүүд эмчийн заавраар анхаарал болгоомжтой хэрэглэнэ. 3-5 хоног хэрэглэсний дараа ханиад эдгэхгүй бол өөр эмээр солих хэрэгтэй. Зарим тохиолдолд нойр хүрэх, ам хатах нөлөө үзүүлж болно.

Фенилпропаноламин нь: миксагрипын найрлагад 15 мг орсон тул түүнийг хэрэглэхэд ямар ч аюулгүй, зөвшөөрөгдөх хэмжээнээсээ ч их доод түвшинд байгаа болно.