ОРАЗИК (ORASIC)

Фармакологийн үйлдэл

Опиоид өвчин намдаах эм. Төв мэдрэлийн системийн опиоид хүлээн авуурт агонист нөлөө үзүүлсэнээр өвчин намдаах хүчтэй үйлчилгээ үзүүлнэ. Трамадол нь (+) болон (-) изомерийн рацемат бөгөөд нийлэг аргаар гаргаж авсан өвчин намдаах опиоид. Трамадол (+) изомер нь опиоид хүлээн авуурт цэвэр агонист бол (-) изомер нь К+ ба Са+ ионы сувгийг нээж бүрхүүлийн хэт туйлшралыг үүсгэж нугас руу өвдөлтийн импульс дамжуулахыг зогсооно. Трамадолын өвчин намдаах нөлөө хэрэглэсний дараа 15-30 минутын дараа эхлэн 6 цагийн турш үргэлжилнэ.

Хэрэглэх заалт

Хүчтэй болон дунд зэргийн өвдөлт намдаах зорилгоор хэрэглэнэ.
Үүнд:
• Мэс заслын дараах үед
• Гэмтэл бэртлийн үед
• Зүрхний шигдээсийн өвдөлт намдаах
• Хорт хавдартай өвчтөнд
• Эмчилгээ оношилгооны өвдөлттэй мэс ажилбарын үед

Хэрэглэх тун

• 14-с дээш насны хүүхэд болон насанд хүрэгсэд 50-100 мг тунгаар нэг удаа хэрэв өвчин намдаагүй бол 30-60 минутын дараа дахин 50 мг ууна.
• Хүчтэй өвдөлтийн үед ялангуяа хавдартай өвчтөн болон мэс заслын дараа 100 – 400 мг хүртэл нэмж болно.
• 1-с дээш насны хүүхдэд 4-8 мг/кг жинд тооцон өгнө.
• 75-с дээш насны өвчтөнд тун хоорондын зайг уртасгана. Элэг, бөөрний өвчтэй хүмүүст хэрэглэх зайг уртасган ууж болно.

Туншил: 16-аас дээш насны хүүхэд болон насанд хүрэгсдэд судас, булчин эсвэл арьсан дор тарьж хэрэглэнэ. Хоногийн дээд тун 4 тун шил.

Анхааруулга

• Амьсгалын төв болон төв мэдрэлийн системийн дарангуйлалд орсон үед (архины хордлого, нойрсуулах эм, сэтгэц нөлөөт эмийн хордлоготой)
• Мансууруулах эмийн дасалтай өвчтөн мансууруулах бодисын дутмагшилд орсон үед
• Бөөрний болон элэгний хүнд хэлбэрийн дутмагшилд орсон
• МАО ингибитор уламжлалын эмтэй хамт хэрэглэхийг хориглоно.