ХАЙ – БОУН (HI – BONE)

Фармакологийн үйлдэл

Hi Bone ясны бодисын солилцоонд нэн шаардлагатай элементүүдийг найрлагандаа агуулдаг. Генистейн нь шар буурцагаас гаргаж авсан изофлавон бөгөөд β-эстрогены хүлээн авуурын сонгомолоор үйлчилдэг ургамлын гаралтай эстроген юм. Генистейн ясны сийрэгжилтээс урьдчилан сэргийлэхийн зэрэгцээ ясны нөхөн төлжилтийг идэвхжүүлж, ясны эсийн үүсэлд чухал үүрэг бүхий остеобласт эсийг дэмжихээс гадна остеокласт эсийг дарангуйлснаар цэвэршилтийн өмнөх насны эмэгтэйчүүдэд ясны сийрэгжилт үүсэхээс сэргийлж, яс хугарах эрсдэлийг бууруулна. Генистейны субстанц бодис түүхий эд нь Швейцарын “DSM Nutritional products” пүүсийн бүтээгдэхүүн.

Hi Bone эм нь цэвэршилтийн үед гэнэт халуу оргих, хөлрөх, нойргүйдэх, цочромхой болох, үтрээний шүүрэл багасах зэрэг шинж тэмдгүүдийг багасгана. Цусан дахь холестерины хэмжээг бууруулж, хөх ба умайн хүзүүний хорт хавдраас урьдчилан сэргийлнэ.

Кальций фосфат ясны бүтцийн гол элемент бөгөөд ахимаг насны эмэгтэйчүүдийн цусан дахь фосфатын хэмжээ буурахаас сэргийлнэ. Д3 аминдэм нь цусан дахь кальцийн шимэгдэлтийг нэмэгдүүлдэг. К1 ясны бэхжилтэд чухал нөлөөтэй остеокальцины кофактор болохын зэрэгцээ шээсээр кальци ялгарахыг бууруулж, Д3 аминдэмтэй хамт ясыг эрдэс бодисоор хангана.

Хэрэглэх заалт:

35-аас дээш насны эмэгтэйчүүдэд ясны сийрэгжилтээс урьдчилан сэргийлэх, цэвэршилтийн өмнөх шинж тэмдгүүдийг багасгах зорилгоор хэрэглэнэ.

Хэрэглэх тун:

Хоногт 1 шахмалаар 1-2 удаа ууж хэрэглэнэ.