НОЦИД(NOCID)
Бөөрний дутмагшилд орохоос хамгаалах эм
Найрлага:
D,L-альфа-кетоизолейцин кальц……………..67мг
Альфа-кетолейцин кальц ………………………101мг
Альфа-кетофенилаланин кальц………………68мг
Альфа-кетовалин кальц………………………….86мг
D,L-альфа-гидроксиметионин кальц………..59мг
L-лизин ацетат……………………………………….105мг
L-триптофан…………………………………………..23мг
L-треонин………………………………………………53мг
L-гистидин……………………………………………..38мг
L-тирозин………………………………………………30мг
Нийт нитроген……………………………………….36мг
Кальц……………………………………………………50мг
№ 100 бүрхүүлтэй шахмал
- Найрлага
- Тодорхойлолт
- Ноцид эмийн гол үүрэг ач холбогдол нь
- Хэрэглэх заалт
- Хориглох заалт
- Хэрэглэх тун
- Анхааруулга
- Эмийн харилцан нөлөөлөл
- Хөхүүл болон жирэмсэн эхэд
Найрлага
D,L-альфа-кетоизолейцин кальц……………..67мг
Альфа-кетолейцин кальц ………………………101мг
Альфа-кетофенилаланин кальц………………68мг
Альфа-кетовалин кальц………………………….86мг
D,L-альфа-гидроксиметионин кальц………..59мг
L-лизин ацетат……………………………………….105мг
L-триптофан…………………………………………..23мг
L-треонин………………………………………………53мг
L-гистидин……………………………………………..38мг
L-тирозин………………………………………………30мг
Нийт нитроген……………………………………….36мг
Кальц……………………………………………………50мг
№ 100 бүрхүүлтэй шахмал
Тодорхойлолт
Сүүлийн жилүүдэд манай оронд бөөрний архаг өвчин эрс нэмэгдэн хүндрэл нь улам ихэсч байна.Үүний гол шалтгаан нь
артерийн даралт ихсэх өвчин, чихрийн шижин өвчин нэмэгдсэн, хоолой өвдөх-тонзиллит өвчин элбэг байгаатай холбоотой юм. Бөөр хүний биед олон чухал үүрэг гүйцэтгэдэг. Үүнд:
Давс усны болон калийн тэнцвэр хангах, хүчил шүлтийн тэнцвэр хангах, эритропоэтины үүсэл, Д аминдэм идэвхжүүлэлтэд оролцдогоос гадна хамгийн гол үүрэг нь хүний биеэс азотын хаягдлыг зайлуулах болно. Бөөрний түүдгэнцэр нь цуснаас хаягдлыг шүүдэг бяцхан шүүлтүүр юм. Минут тутамд түүдгэнцэрээр хэдий хэмжээний цус урсахыг хэмжих бөөрний үйл ажиллагааг шалгах гол шинжилгээ нь түүдгэнцэрийн шүүлтийн хурдыг тодорхойлох юм. Бөөрний архаг өвчний үед шээсэнд уураг болон глюкоз илэрч эхэлдэг. Кетоамин-хүчил болох ноцид эм нь үл орлуулагдах аминохүчил болох изолейцин, лейцин, лизин, метионин, фенилаланин, триптофан, треонин, валин, гистидин зэрэг аминохүчлийн NH2 –амин бүлгийг трансаминаза ферментийн нөлөөгөөр кето бүлгээр сольж бөөрний ачааллыг бууруулж, нөгөө талаас аминхүчил буюу уургаар хангаж бөөрний архаг өвчний хүндрэлийг багасгана. Хэрэв өвчтөн диализад ороогүй байвал ноцидыг хэрэглэснээр:
• Бөөрний түүдгэнцэрийн шүүлтийн хурд бууралтыг сааруулна
• Биед мочевин үүсэлтийг бага түвшинд барина
Ноцид эмийн гол үүрэг ач холбогдол нь
• Бодисын солилцооны алдагдлыг бууруулна.
• Нүүрс усны солилцоонд эерэгээр нөлөөлж диализын эмчилгээг хойшлуулж, хэрэв өвчтөн диализ хийлгэдэг бол ноцидыг хэрэглэснээр бөөрний үлдэгдэл үйл ажиллагааг хамгаалж, диализад орох тоог цөөрүүлнэ.
Хосолсон дэгээр диализад долоо хоногт нэг удаа ороод, диализад орсон өдөртөө ердийн хоол идээд бусад өдөр нь бага
уурагтай хоолны дэглэм барьж + ноцидыг ууснаар шээсний гарцыг сайжруулан, цус багадалт болон кальци-фосфорын хэвийн бус байдлыг хянаж, эритропоэтин болон бусад эмийн хэрэглээг бууруулдаг болох нь судалгаагаар тогтоогдсон.
Ноцидыг Азийн олон оронд экспортолдог бөгөөд бөөрний архаг өвчтэй хүмүүст диализийн өмнөх болон диализын үед хэрэглэхэд эмнэлзүйн маш сайн үр дүн гарсан байна. Шээсээр уураг ялгарах (протеинури), бөөрний архаг өвчин, бөөрний дутмагшил зэрэг 5 үе шатаар өвчин хүндэрч бөөр солих эмчилгээнд ордог.
Хэрэглэх заалт
Ноцид нь амин хүчлийн хэрэгцээг хангаж өгдөг нэмэлт тэжээл бөгөөд голдуу бөөрний архаг өвчний үед өдөрт 40г илүүгүй уураг хэрэглэх шаардлагатай өвчтөнд өгнө.
Хориглох заалт
Цусанд кальци ихсэх, аминхүчлийн бодисын солилцооны өөрчлөлт, удамшлын фенилкетонури өвчтэй хүнд хэрэглэхгүй.
Хэрэглэх тун
Өдрийн тунг өвчтөний биеийн жингээс хамаарч эмч тогтооно. 2-8 шахмалыг өдөрт 3 удаа хоолтой хамт ууна.
Анхааруулга
Ноцидийг хоолтой хамт хэрэглэхдээ аминхүчлийн бодисын солилцоо ба шингээлтийн хэмжээг анхаарна. Цусны сийвэн дэх кальцийн түвшинг хянах хэрэгтэй. Биед шаардлагатай илчийг хангаж байгаа эсэхийг нягтална.
Эмийн харилцан нөлөөлөл
Кальцийн шимэгдэлтэд нөлөөлдөг дараах эмтэй хамт хэрэглэхгүй. Үүнд: тетрациклин, ципрофлоксацин ба норфлоксацин, төмөр, фтор агуулсан эм. Ноцидыг уухдаа бусад бэлдмэлээс доод тал нь 2 цагийн зайтай ууна. Ноцидыг эмчилгээнд хэрэглэхэд уремик шинж тэмдгүүд багасдаг бөгөөд хөнгөн цагааны гидроксидын хэмжээг бууруулдаг. Цусны сийвэн дэх фосфатын түвшин буурдаг тул хянах хэрэгтэй.
Хөхүүл болон жирэмсэн эхэд
Ноцид нь жирэмсэн болон хөхүүл эхэд хэрэглэхэд аюулгүй эсэх нь судлагдаагүй байна.