Uncategorized
ХУУРАЙШИЛТТАЙ НҮДЭНД ЗОРИУЛСАН БАЙГАЛИЙН ЭМЧИЛГЭЭ
Feb
Хуурайшилттай нүдийг намдаахын тулд юу хийж чадахаа мэдэхгүй байна уу?
Нүдний хараа, нүдний эрүүл мэндтэй холбоотой асуудлаар эмчтэйгээ уулзахаар цаг товлох нь үргэлж сайн байдаг. Гэсэн хэдий ч энэ хугацаанд нүдний хуурайшсан шинж тэмдгийг арилгахын тулд та юу хийж чадах вэ гэж бодож магадгүй юм.
Бид нүдний хуурайшилтад зориулсан байгалийн үр дүнтэй эмчилгээнүүдийн жагсаалтыг танд танилцуулж байна.
НҮД ХУУРАЙШИХ ХАМ ШИНЖ (DES) ГЭЖ ЮУ ВЭ?
Нүдний хуурайшилт гэдэг бол нулимсны хэмжээ бага, эсвэл нулимсны чанар хангалтгүй байдгаас үүдэлтэй нийтлэг эмгэг юм. Нүд хуурайших нь бага зэргийн таагүй байдлаас эхлээд хуурай нүдний синдром гэж нэрлэгддэг архаг асуудал хүртэл болж хувирдаг. Нүд хуурайших нь олон таагүй шинж тэмдгүүдийг үүсгэдэг бөгөөд энэ нь ажил болон амралт гээд таны чөлөөт цагийн бүтээмжид сөргөөр нөлөөлдөг .
Нийт насанд хүрэгчдийн 50 хүртэлх хувь нь нүдний хуурайшилттай болсон байдаг.
Нүд хуурайших хамгийн түгээмэл шалтгаан нь нулимсны тослогийг бууруулдаг meibomian булчирхайн үйл ажиллагааны алдагдал юм. Нүдний хуурайших хам шинжийн бусад шалтгаанууд нь блефарит, зовхины халдвар, харшлыг хянахад ашигладаг антигистамин зэрэг эмэнд үзүүлэх хариу урвал зэрэг багтдаг. Нүд хуурайших нь контакт линз, ягаан нүд, хуурай эрс тэс цаг агаарын нөхцөл, ядаргаа, дэлгэцийн хэт их хэрэглээ, мөн омега-3 тосны хүчлүүдийн тэжээлийн дутагдал зэргээс үүдэлтэй.
Нүд хуурайших шинж тэмдгүүд:
- Хуурай, цочромтгой эсвэл улаан нүд
- Үрэвсэл эсвэл загатнаа
- Хэт их нулимс / нулимс гарах.
- Мэдрэмтгий эсвэл өвдсөн нүд
- Нүдний зовуур
- Нүдэнд гадны биет элс, шороо хорсох, халуу оргих мэдрэмж
Нүд хуурайших эрсдлийг нэмэгдүүлдэг хүчин зүйлүүд:
- Нулимсны чанар, тоо хэмжээ муу байх.
- Хүйс – Жирэмслэлт, сарын тэмдэг болон жирэмслэлтээс хамгаалах эм зэргээс хамааран дааврын өөрчлөлтөөс болж эмэгтэйчүүдийн нүд хуурайших нь элбэг.
- Нас – 50-аас дээш насныхны хувьд нүдний хуурайшилттай байдаг
- Байгаль орчны хүчин зүйлс ба цочроох хүчин зүйлүүд – утаа, салхи, хуурай уур амьсгал
- Эрүүл мэндийн байдал – Чихрийн шижин, ревматоид артрит, бамбай булчирхайн эмгэг зэрэг.
- Эмний хэрэглээ – Халдваргүйжүүлэх, антигистамин, антидепрессант, даралт бууруулах эмүүд зэрэг
- Амьдралын хэв маягийн хүчин зүйлүүд – Компьютер, гар утас, ТV зэрэг дэлгэцийн хэрэглээ их байх .
- Контакт линз – Контакт линзийг өдөрт 8 цаг зүүх хэрэгтэй. Контакт линз нь нүдний нулимсан бүрхүүлийн чийглэг байдлыг бууруулж байдаг тул тогтмол хиймэл нулимс хэрэглэж нүдний чийгшлээ хадгалж байх хэрэгтэй.
- Meibomian булчирхайн эмгэг (тохиромжгүй бүтээгдэхүүн/ шүүрэл)
ХУУРАЙШИЛТТАЙ НҮДИЙГ БАЙГАЛИЙН АРГААР ХЭРХЭН ЭМЧЛЭХ ВЭ?
Нүдний хуурайшилтын шинж тэмдгийг арилгахад туслах олон янзын байгалийн гаралтай эмүүд байдаг. Өдөр тутамдаа хэрэгжүүлж болохуйц зөвлөмжүүдийг та бүхэндээ танилцуулъя.
- Нүдээ хамгаалах : Хуурай, салхитай орчинд байхаас зайлсхийх, гадаа гарахдаа нар салхины хамгаалалттай нүдний шилийг тогтмол зүүх. Мөн гэр, ажлын өрөөнийхөө агаарыг чийгшүүлэх.
- Омега 3 агуулсан эрүүл хоол хүнс хэрэглээрэй. Загас, маалингын үрэнд хамгийн ихээр агуулагддаг Омега-3 тосны хүчил нь нүдний хуурайшилтын шинж тэмдгийг бууруулдаг болох нь батлагдсан. Омега-3 нь нүдний үрэвслийг бууруулж, нулимсны хэмжээ болон чанарыг нэмэгдүүлэх боломжийг олгодог.Та Омега-3-ийг нэмэлт тэжээлээр эсвэл өөх тосны хүчил их хэмжээгээр агуулсан хоол хүнсээр дамжуулан нэмэгдүүлэх боломжтой.
Омега-3 агуулсан хоолонд дараах зүйлс орно:
- Маалингийн үр
- Далдуу модны тос
- Шар буурцгийн тос
- Чиа үр,
- хушга
- Салмон
- загасны туна
- загасны тосны нэмэлт тэжээл
- А, В12, Д аминдэмийн төвшинг нэмэгдүүлнэ. Д аминдэмийн дутагдал нь нүд хуурайших шинж тэмдэг үүсгэдэг болох нь батлагдсан. А, В12 витаминууд нь таны нүдний эрүүл мэндэд зайлшгүй шаардлагатай. Эдгээр амин дэмүүд нь олон төрлийн хоолонд байдаг бөгөөд олон төрлийн жимс, ногоо, мах, сүүн бүтээгдэхүүн агуулсан эрүүл, тэнцвэртэй хоол хүнс хэрэглэхийг хичээгээрэй. Витамины нэмэлт нь витамины төвшинг нэмэгдүүлэх үр дүнтэй арга юм.
- Цусан дахь сахарын хэмжээг хянах. Хэрэв та чихрийн шижин өвчтэй бол энэ нь ялангуяа танд чухал. Чихрийн шижин өвчний улмаас хүний биеийн цусны эргэлт хязгаарлагдсанаас нүдний мэдрэл гэмтдэг. Мэдрэлийн гэмтэл нь нулимсны булчирхайд нөлөөлж, нулимс гоожиход хүргэдэг бөгөөд улмаар нүд хуурайшдаг. Цусан дахь сахарын төвшинг эмчийн зааврыг нарийн чанд мөрдөж, эрүүл, тэнцвэртэй хооллолтоор хянах нь цаг хугацааны явцад мэдрэлийн гэмтэл авах эрсдэлийг бууруулж, хуурайшилттай нүдний өвчний шинж тэмдгийг сайжруулдаг.
- Нүдний дусаалга / Хиймэл нулимс. Ихэнх өвчтөнүүд хиймэл нулимс дусааж, нүдний дусаалга түрхэх, амьдралын хэв маягийг өөрчлөх зэргээр шинж тэмдгүүдээсээ ангижрах болно. Ихэнх тохиолдолд нүдний дусаалга нь ядарч туйлдсан эсвэл хуурай уур амьсгалд орсны үр дүнд үүсэх шинж тэмдгүүдийг хангалттай хэмжээгээр арилгаж өгдөг. Эдгээр дуслууд нь таны байгалийн нулимсыг хиймэл нулимсаар нөхөж, чийгшил, хамгаалалтыг нэмэгдүүлдэг. Хиймэл нулимсыг жоргүйгээр худалдаж авах боломжтой. Гэсэн хэдий ч олон янзын брэндүүдийг сонгох боломжтой бөгөөд нүдний эмчээс өөрийн хувийн хэрэгцээнд тулгуурлан зөвлөмж өгөхийг хүсээрэй.
Хэрэв таны нүд маш хуурай бол тосон эсвэл гель нь илүү үр дүнтэй чийгшүүлж, тайвшруулах үйлчилгээтэй байдаг. Гэхдээ түрхлэг, гель түрхсэний дараа богино хугацаанд бүдэг хараа үүсгэж болзошгүй тул унтахаасаа өмнө л хэрэглэхийг зөвлөж байна.
- Шингэн хэвээр байлгаарай. Өдөржингөө хангалттай хэмжээний ус ууж (дор хаяж 8 аяга) нүд чинь хуурай нүдтэй тэмцэхэд хангалттай хэмжээний нулимс үүсгэдэг. Хэрэв та халуун, хуурай уур амьсгалд амьдардаг бол энэ нь ялангуяа чухал юм.
- Архи, согтууруулах ундаа хэрэглэхээс зайлсхий. Согтууруулах ундаа уух нь шингэн алдалтыг үүсгэдэг бөгөөд нулимсны чанарт нөлөөлдөг. Үндэсний эрүүл мэндийн хүрээлэнгээс (NIH) хийсэн судалгаагаар архи уух нь нүдний хуурайшилт үүсгэдэг болохыг тогтоожээ. Согтууруулах ундааны хэрэглээг хязгаарлахыг хичээ, эсвэл үгүй гэж бүрэн хэлж сураарай.
- Тамхинаас гарах.Тамхины утаа нь таны нүдийг цочроож, нулимсны чанарт нөлөөлдөг 7000 гаруй химийн бодис агуулдаг. Утаа нь таны нүдийг хуурайших эрсдэлийг эрс нэмэгдүүлдэг.
- Байнга завсарлага ав. Унших, зурагт үзэх, компьютер ашиглахдаа байнга завсарлага авах нь чухал юм. Олон хүмүүс эдгээр үйл ажиллагаанд оролцож байхдаа нүдээ анивчихаа мартдаг. Энэ нь нүдээ хуурайшихад хүргэдэг тул нулимс цийлгэнэх тусам илүү хурдан уурших болно. Мөрдөх ёстой сайн дүрэм бол 20-20-20 гэсэн дүрэм бөгөөд 20 минут тутамд 20 секундийн турш 20 футийн зайнаас харна.
- Халуун жин тавих: Зовхио цэвэрлэж, зовхины булчирхайгаар дамжих тосны урсгалыг сайжруулахын тулд бүлээн шахалтаар тайвшир. Энэ нь таны нулимсны чанарыг сайжруулж, хуурайшилттай нүдийг зөөлрүүлэхэд тусална.
- Зовхио угаах: Зовхины булчирхайгаар дамжих тосны урсгал, нулимсны чанарыг сайжруулахын тулд зовхио бүлээн ус, хүүхдийн шампуниар зөөлөн массажлаарай. Зовхины хамгаалалтгүй цэвэрлэгчийг мөн ашиглаж болно.Нүдээ цочроож болох будалт, тосыг арилгахын тулд дээд, доод зовхи, сормуусаа хоёуланг нь цэвэрлэхээ мартуузай.
Хэрэв танд хуурайшилттай нүдний шинж тэмдэг илэрвэл байгалийн гаралтай эмчилгээ нь нүдний хуурайшилтын олон шинж тэмдгийг арилгаж өгдөг. Өвчний шинж тэмдэг илэрч, өвдөлт, таагүй байдал үүсгэж байвал нүдний эмчид үзлэг хийлгээрэй.
Нүдний эмч нар нүдний хуурайшилтын шинж тэмдгийн үед хадгалах бодис агуулаагүй натрийн гиалуронат 0,1 % агууламж бүхий нэг удаагийн савлагаатай ариун чанарын матафреш хиймэл нулимсыг сонгон хэрэглэхийг зөвлөж байна.
Эх сурвалж: https://www.optometrists.org/dry-eye/natural-remedies-for-dry-eyes/
